Aktualitet
BËHU “MOBILE JOURNALIST”: KURS I AVANCUAR ONLINE
Ke përfunduar kursin tonë online mbi Gazetarinë Mobile (Mobile Journalism)? Do të mësosh më shumë “hile” të zanatit? Të prodhosh gazetari cilësore përmes telefonit celular, nën mbështetjen dhe mentorimin e ekspertëve të Thomson Media?
Bashkohu me Aleksandar Mansiev dhe Lorin Kadiun në këtë kurs falas të avancuar mbi Gazetarinë Mobile në 17-21 tetor. Ky seminar do të zhvillohet drejtpërdrejtë online dhe do t’ju mundësojë të fitoni aftësi të avancuara në gazetarinë mobile si edhe t’i vendosni ato në praktikë gjatë punës individuale dhe në grup, nën mentorimin e trajnerëve dhe ekspertëve tanë.
Në përfundim të kursit ju do të mundeni të:
• Përvetësoni aftësinë e duhura për të krijuar fotografi të fuqishme duke përdorur telefonin celular.
• Fitoni aftësi në krijimin e videove të shkurtra dhe foto-reportazheve përmes telefonit.
• Krijoni përmbajtje interesante dhe angazhuese për audiencën.
• Përdorni aplikacione filmimi dhe editimi të përshtatshme për Android dhe IOS
• Njihni formatet e ndryshme që përdoren për platformat e mediave sociale
• Përshtasni materialin e krijuar me telefonin tuaj për platforma të ndryshme të rrjeteve sociale.
• Krijoni material të konsumueshëm për telefonat celular
• Përdorni aftësitë editoriale të fituara për të krijuar përmbajtje të balancuara
Javë e ngarkuar? Mos u shqetësoni: Edhe pse kursi online zgjat pesë ditë, është ndërtuar në mënyrë që t’ju lejojë të merrni pjesë në sesione specifike në grup dhe individuale, çka do të thotë se do të keni mundësi të vazhdoni punën dhe jetën tuaj personale!
E martë, 17 Nëntor: Pjesëmarrësit do të trajnohen për katër orë, me pushime të shkurtra dhe ushtrime (rreth 3 orë)
E mërkurë – E premte: Pjesëmarrësit punojnë në grupe: Grupi 1 – Sesione nga ora 10:00 në 13:00; Grupi 2 sesione nga ora 14:00 – 17:00 (ushtrimet zgjasin rreth 3 orë)
E shtunë, 21 Nëntor: Dita e fundit i dedikohet produksionit dhe editimit në sesione të fokusuara individuale. Çdo pjesëmarrës punon me trajnerët për 30 – 45 minuta dhe kalon pjesën e mbetur të kohës duke montuar produktin gazetaresk të krijuar me telefon celular. Trajnerët tanë do të jenë të disponueshëm nga ora 10:00 – 18:00 për sesionet individuale.
Pas seminarit online: Të gjithë pjesëmarrësit do të kenë mundësi të konsultohen me ekspertët në javët pas kursit, ndërsa do të prodhojnë produkte cilësore të gazetarisë mobile dhe t’i finalizojnë ato për publikim.
Për të aplikuar, ju lutem plotësoni formularin online. Afati për aplikimet është dita e dielë, 14 nëntor, ora 16:00.
Ju lutem vini re se përfundimi i kursit fillestar online mbi gazetarinë mobile është një parakusht për të marrë pjesë në seminar. Për t’u regjistruar ju lutem vizitoni faqen online të kursit fillestar.
Për më shumë informacion mbi seminarin online ju lutem kontaktoni Maja Vasic- Nikolic me: [email protected]
Aktualitet
Kryepiskopi Anastas uron Pashkët: Të mposhtim hidhërimet me fuqinë e Ngjalljes
Kryepiskopi i Tiranës, Durrësit dhe të gjithë Shqipërisë, Fortlumturia e tij Anastas Janullatos ka uruar të gjithë besimtarët ortodoksë në prag të Pashkëve.
Kryepiskopi flet edhe për më shumë dashuri në vendin tonë, ‘të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë’, thekson Fortlumturia e tij në mesazhin e Pashkëve.
Mesazhi i plotë:
Kryepiskopi i Tiranës, Durrësit dhe i Gjithë Shqipërisë
Mposhtja E Hidhërimeve Me Fuqinë E Ngjalljes
“Të njoh atë me fuqinë e Ngjalljes së tij” (Fil. 3:10)
Ηimni ngjallësor: “Krishti u ngjall së vdekurish, me vdekje vdekjen shkeli…”, ende kumbon ngadhënjyes dhe ngushëllues në mes të errësirës së melankolisë, të shkaktuar nga ngjarjet e dhimbshme në Ukrainë, Gazë, Sudan, Haiti dhe në vende të tjera të botës, madje edhe këtu, në mjedisin tonë, të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë. Ne e dimë se jemi të brishtë, që e mbajmë “këtë thesar (të besimit) në enë prej balte” (2 Kor. 4:7-8), por kjo ndodh “që të dalë në pah se kjo fuqi tejet e madhe vjen nga Perëndia, jo nga ne”.
Periudha e Pashkës, me një mënyrë të veçantë dhe përmes një përjetimi personal, na fton t’i afrohemi Krishtit, që pëson dhe ngjallet: “Që ta njoh atë dhe fuqinë e Ngjalljes së tij, të marr pjesë në pësimet e tij dhe të bëhem i ngjashëm me të në vdekjen e tij” (Fil. 3:10). Dy të vërteta na e ndriçojnë udhën drejt një marrëdhënieje më të ngushtë me atë që pësoi dhe u ngjall: Pranimi për të marrë pjesë në pësimet e Tij dhe të qenit i ngjashëm me të në vdekjen e Tij. E kemi theksuar edhe herë tjetër se Ngjallja nuk është diçka që vjen më vete, që vjen pas Kryqit, por gjendet brenda Kryqit, brenda pësimit, kur e pranojmë atë ashtu siç e pranoi edhe Krishti. Dhe anasjelltas, përjetimi i Ngjalljes kërkon gjithnjë si kusht paraprak të bëhemi të ngjashëm me Krishtin e kryqëzuar dhe të ngjallur.
Kjo pjesëmarrje në Pësimet dhe Ngjalljen e Tij forcon qëndresën tonë, në mënyrë që të mos na përpijë depresioni dhe dëshpërimi. Himni triumfal themelor, që kumbon fort brenda nesh – “Krishti u ngjall së vdekurish, me vdekje vdekjen shkeli…” – është shpallja kryesore e besimit të krishterë orthodhoks dhe përmbledh domethënien më të thellë të Mishërimit të Birit dhe Fjalës së Perëndisë. Këtë përvojë të dyfishtë, të Kryqit dhe të Ngjalljes, e përjetojnë dëshmorët e Kishës sonë ndër shekuj. Edhe ne “le të ecim me durim në betejën që na pret, duke soditur Jisuin, që është kreu i besimit tonë dhe ai që e bën atë të përsosur” (Heb. 12: 1-2).
Duke lavdëruar me mirënjohje Perëndinë Triadik gjatë periudhës paskale, le ta shtojmë përpjekjen tonë, në mënyrë që ta përjetojmë këtë bindje dhe le të përçojmë ngushëllim në mjedisin tonë me dhembshuri.
Krishti u Ngjall, vëllezërit e mi!
Pashkë të bekuara, me shëndet, durim dhe mendësi kryqngjallësore!
Aktualitet
Ermal Hasimja: Dyshimi i madh, skenari kush mund të marrë në dorë drejtimin e Shqipërisë
Analisti Ermal Hasimja ka komentuar situatën politike në Shqipëri dhe rolin e SPAK.
Sipas tij sistemi politik në Shqipëri ka një logjikë shumë të brishtë. Mes tjerash ai tregoi dyshimin që ka për të ardhmen e Shqipërisë.
“Mentaliteti i popullit shqiptar është i tillë. Në momentin që të sheh se bie nga fiku aty të shkel më këmbë. Ky është një sistem që funksionon brenda kësaj logjike që është shumë e brishtë.
Mund të ndodh që të ketë diçka të fortë ndaj sistemit të drejtësisë dhe mund të ketë një bërthamë që ndoshta në të ardhmen funksionojnë realisht. Në këtë vend që është Shqipëria terreni për dyshime është jashtëzakonisht pjellor”-tha Hasimja.
Aktualitet
Axhami: Filozofia Zogiste në kohë moderne, nën moton “Atdheu mbi të gjitha”
Aktualitet
Vdekja e mistershme e të moshuarve në Dropull, lirohen personat e shoqëruar në polici
Ditën e sotme, u përcollën në banesën e fundit, dy të moshuarit që u gjetën të vdekur dhe me shenja dhune në banesën e tyre. Të afërmit e ardhur nga Greqia dhe bashkëfshatarët në Bodrisht të Dropullit i dhanë lamtumirën e fundit Kosta Ilia, 84 vjeç dhe Kleoniqi Ilia, 88 vjeçe.
Lidhur me ngjarjen e rëndë, e cila vijon ende e pazbardhur, policia ka shoqëruar mbi 10 persona. Ndërkohë pasi kanë dhënë deklarimet e tyre, personat e shoqëruar janë lënë të lirë. Disa pista hetimi janë ngritur për vdekjen e tyre, ku deri tani, nga policia dhe prokuroria është lënë në hije pista e një grabitje të mundshme. Kjo pasi edhe pensioni që i moshuari kishte marrë pak ditë më parë në Greqi iu gjet në portofol. Gjithashtu është hedhur poshtë dhe versioni se çifti mund të ketë vrarë njëri- tjetrin.
Kryefamiljari i cili kishte marrë një plagë në kokë kishte ndërruar jetë në oborrin e shtëpisë ndërsa pak metra larg tij, në brendësi të banesës u gjet e vdekur edhe bashkëshortja gjithashtu me shenja dhune në trup. Sipas policisë të moshuarit u goditën me mjete të forta rrethanore por burime thanë se në vendngjarje nuk është gjetur asnjë mjet i tillë. Për zbardhjen e ngjarjes së rëndë, grupi hetimor është rikthyer sërish në banesën e të moshuarve. Ekspertët kriminalist janë në pritje të ekzaminimeve të disa provave materiale të marra në brendësi të banesës së çiftit të viktimave.
Aktualitet
E pazakontë/ Mjeti përplas biçikletën, motorin, makinën, këmbësorin dhe përfundon në lavazh
Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.
Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.
Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.
Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.
Në vendin e ngjarjes kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.
-
Pinknews14 hours ago
Çmenduri/ Romeo dhe Erjola të lidhur bashkë? Graciano plas skandalin
-
Bota14 hours ago
Çnjerëzore/19-vjeçarja lind foshnjen në tualetin e konviktit dhe e hedh në kosh
-
Bota18 hours ago
Shoferin e zuri gjumi në timon/ Raportohet për 2 të vdekur dhe 34 pasagjerë të lënduar
-
Pinknews14 hours ago
TRONDITET rrjeti/ Juli shokon Romeon: Kam bërë ALEANCË me Heidin
-
Pinknews18 hours ago
Tension mes Eglës dhe Rozës/ Agravon gati në përplasje fizike: Mos prek me dorë moj vajzë
-
Pinknews19 hours ago
“Tradhtare”/ Egla shpërthen ndaj akuzave të Romeos: Do më puthësh prapë duart
-
Kosova21 hours ago
DRIDHET Serbia, dy ngjarjet që shkaktojnë tërmetin apokaliptik
-
Pinknews17 hours ago
“Nuk më ka dalë akoma e keqja”/ Egla flet për të atin: Ndërroi jetë kur…