Aktualitet
Çdo luftë ka tradhtaret e saj,Nder e respekt për Heronjtë e këtij kombi
SOT, QEMAL STAFA DO TË ISHTE NË GJYKATËN E TIRANËS DUKE U GJYKUAR SI KOMUNIST!
SOT, ADEM JASHARI DO ISHTE NË GJYKATËN E TIRANËS NË FILLIM E MË PAS NË HAGË DUKE U GJYKUAR SI TERRORIST!
PËR LUFTËN, PËR ÇLIRIMIN, PREJ TRADHËTISË!
Një vit më parë, ishte e vështirë të flisje për luftën, histeria thuajse e vrau Çlirimin,
75-vjetorin e Çlirimit përmes luftës së popullit dhe gjithë këtij vendi.
Ka dy arsye pse ishte kaq e vështirë një vit më parë:
E para, lidhet me atë që ndodhi në 30 vite;
Një operacion i madh, politik e shtetëror, propagandistik e ekzekutiv,
kundër luftës antifashiste nacionalçlirimtare;
Nisur me shpifje, fyerje, me falsifikim të fakteve, ngjarjeve, betejave, relativizim, tallje, poshtërim, zëvendësim të datave, luftëtarëve, heronjve, vijuar me sulme, akte, gjyqe prej revanshi fashist, tipik fashist;
për të zhbërë bashkimin më të madh historik të shqiptarëve pa dallim feje – myslimanë apo të krishterë; krahine – veri apo jug, fshat e në qytet; ideje – patriote, idealistë e komunistë; pa dallim gjinie, për herë të parë në këtë vend- burra e gra, moshe- të rinj e të reja, për LIRI e kundër fashizmit, nazizmit.
Çdo luftë ka tradhtaret e saj;
Por kjo që ndodhi këtu tek ne nuk ka ndodhur kurrkund tjetër, Evropën e Amerikën antifashiste, ne çdo vend te koalicionit të madh antifashist.
Këtu ndodhi;
lufta e tradhtia, luftëtarët e tradhtarët, janë dy anë të një lufte kudo, nuk zhbëhen as si histori, as si alternativë, as si pushtet.
Por kurrë, me pushtet e në pushtet, nuk mund të bëhen tradhtarët heronj, nuk do i imponohen kurrë si heronj një populli edhe pas 75, 76, 100, 150, 200 vitesh.
E dyta, lidhet me përdorimin e luftës, luftëtarëve, heronjve;
Ne socialistët, progresistët e kemi thelb lirinë, antifashizmin, është kombëtare kjo, është edhe evropiane, vlerë e këtij kombi, vlerë në themelet e projektit më të madh përbashkues që nuk vdes kurrë,
Evropës së Bashkuar.
Por pavarësisht kësaj, kurrë nuk kemi njësuar veten me më të mirët e Altarit të Kombit, heronjtë e tij.
Askush në këtë vend, pas lufte apo mbi të gjitha pas vitit 1990, nuk ju afrua idealizmit, nderit, dinjitetit, dijes, sakrificës, rezistencës, betejave të Qemal Stafës, Vasil Shantos, Mujo Ulqinakut, Margarita Tutulanit, Myslym Pezës, Baba Faja Martaneshit, Liri Geros, Manush Alimanit, Ramiz Aranitasit, Perlat Rexhepit, Kozma Nushit, Abaz Shehut, Asim Zenelit, Vojo Kushit e mijëra luftëtarëve për liri të këtij vendi.
Heroi nuk është materialist, Heroi është idealist!
Heroi nuk vjedh, Heroi dhuron, jetën mbi të gjitha!
Heroi nuk merr, Heroi jep, gjithçka ka nga vetja e familja e tij;
Ndaj cilido abuzues, me e në pushtet,
hajdut nga Palasa deri në Hamallaj e Lalëz,
nuk mund të jetë kurrë hero;
nuk mund të jetë si heronjtë!
Nuk bën alkooli heronj, por nderi, dinjiteti, sakrifica, puna, veprat në shërbim të njerëzve të zakonshëm, Atdheut!
As lufta nuk është lavatriçe,
e as heronjtë nuk janë detergjentë,
që lajnë fajet e çdo keqbërësi, çdo abuzuesi, çdo hajduti.
Lufta e luftëtarët, heronjtë janë të shenjtë,
të paprekshëm, te papërdorshëm;
nderi për ta nuk janë kapaçkat e qëllimta politike të pushteteve, por kujtesa, respekti i një populli mirënjohës.
Ndaj heronjtë nuk janë të pushtetit.
Heronjtë janë të popullit!
Kështu sot, kështu do të jetë edhe mot;
Kështu këtu, kështu në Kosovë, në çdo kohë;
Dua ta them sot,
Në ndryshojmë, heronjtë jo,
atdhetarët po ashtu nuk mund të ndryshojnë kurrë.
Në një kohë tjetër, Qemal Stafa i gjallë,
sot do të ishte në Gjykatën e Tiranës,
duke u gjykuar si komunist gjatë luftës.
Në një kohë tjetër, Adem Jashari gjallë,
sot do të ishte në fillim në Gjykatën e Tiranës ku edhe ka qenë para disa vitesh, e më pas në Hagë.
Prej tradhtisë, natyrisht!
Nder e respekt për Heronjtë e këtij kombi.
Nder e respekt për popullin e Tiranës që u bë njësh në këto barrikada për të çliruar vendin,
për të çliruar Tiranën e pushtuar si çdo kryeqytet tjetër në Evropë, çliruar me lufte nga luftëtarët e vet, pa ndihmë, por duke u bashkuar për interesat madhore të kombit.
Nder e respekt kujtdo që
nuk harron heronjtë e tij!
Nder e respekt kujto që trashëgon frymën e heronjve të këtij kombi!
Nder e respekt gjithkujt që dha jetën për lirinë e këtij KOMBI!
Aktualitet
Kryepiskopi Anastas uron Pashkët: Të mposhtim hidhërimet me fuqinë e Ngjalljes
Kryepiskopi i Tiranës, Durrësit dhe të gjithë Shqipërisë, Fortlumturia e tij Anastas Janullatos ka uruar të gjithë besimtarët ortodoksë në prag të Pashkëve.
Kryepiskopi flet edhe për më shumë dashuri në vendin tonë, ‘të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë’, thekson Fortlumturia e tij në mesazhin e Pashkëve.
Mesazhi i plotë:
Kryepiskopi i Tiranës, Durrësit dhe i Gjithë Shqipërisë
Mposhtja E Hidhërimeve Me Fuqinë E Ngjalljes
“Të njoh atë me fuqinë e Ngjalljes së tij” (Fil. 3:10)
Ηimni ngjallësor: “Krishti u ngjall së vdekurish, me vdekje vdekjen shkeli…”, ende kumbon ngadhënjyes dhe ngushëllues në mes të errësirës së melankolisë, të shkaktuar nga ngjarjet e dhimbshme në Ukrainë, Gazë, Sudan, Haiti dhe në vende të tjera të botës, madje edhe këtu, në mjedisin tonë, të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë. Ne e dimë se jemi të brishtë, që e mbajmë “këtë thesar (të besimit) në enë prej balte” (2 Kor. 4:7-8), por kjo ndodh “që të dalë në pah se kjo fuqi tejet e madhe vjen nga Perëndia, jo nga ne”.
Periudha e Pashkës, me një mënyrë të veçantë dhe përmes një përjetimi personal, na fton t’i afrohemi Krishtit, që pëson dhe ngjallet: “Që ta njoh atë dhe fuqinë e Ngjalljes së tij, të marr pjesë në pësimet e tij dhe të bëhem i ngjashëm me të në vdekjen e tij” (Fil. 3:10). Dy të vërteta na e ndriçojnë udhën drejt një marrëdhënieje më të ngushtë me atë që pësoi dhe u ngjall: Pranimi për të marrë pjesë në pësimet e Tij dhe të qenit i ngjashëm me të në vdekjen e Tij. E kemi theksuar edhe herë tjetër se Ngjallja nuk është diçka që vjen më vete, që vjen pas Kryqit, por gjendet brenda Kryqit, brenda pësimit, kur e pranojmë atë ashtu siç e pranoi edhe Krishti. Dhe anasjelltas, përjetimi i Ngjalljes kërkon gjithnjë si kusht paraprak të bëhemi të ngjashëm me Krishtin e kryqëzuar dhe të ngjallur.
Kjo pjesëmarrje në Pësimet dhe Ngjalljen e Tij forcon qëndresën tonë, në mënyrë që të mos na përpijë depresioni dhe dëshpërimi. Himni triumfal themelor, që kumbon fort brenda nesh – “Krishti u ngjall së vdekurish, me vdekje vdekjen shkeli…” – është shpallja kryesore e besimit të krishterë orthodhoks dhe përmbledh domethënien më të thellë të Mishërimit të Birit dhe Fjalës së Perëndisë. Këtë përvojë të dyfishtë, të Kryqit dhe të Ngjalljes, e përjetojnë dëshmorët e Kishës sonë ndër shekuj. Edhe ne “le të ecim me durim në betejën që na pret, duke soditur Jisuin, që është kreu i besimit tonë dhe ai që e bën atë të përsosur” (Heb. 12: 1-2).
Duke lavdëruar me mirënjohje Perëndinë Triadik gjatë periudhës paskale, le ta shtojmë përpjekjen tonë, në mënyrë që ta përjetojmë këtë bindje dhe le të përçojmë ngushëllim në mjedisin tonë me dhembshuri.
Krishti u Ngjall, vëllezërit e mi!
Pashkë të bekuara, me shëndet, durim dhe mendësi kryqngjallësore!
Aktualitet
Ermal Hasimja: Dyshimi i madh, skenari kush mund të marrë në dorë drejtimin e Shqipërisë
Analisti Ermal Hasimja ka komentuar situatën politike në Shqipëri dhe rolin e SPAK.
Sipas tij sistemi politik në Shqipëri ka një logjikë shumë të brishtë. Mes tjerash ai tregoi dyshimin që ka për të ardhmen e Shqipërisë.
“Mentaliteti i popullit shqiptar është i tillë. Në momentin që të sheh se bie nga fiku aty të shkel më këmbë. Ky është një sistem që funksionon brenda kësaj logjike që është shumë e brishtë.
Mund të ndodh që të ketë diçka të fortë ndaj sistemit të drejtësisë dhe mund të ketë një bërthamë që ndoshta në të ardhmen funksionojnë realisht. Në këtë vend që është Shqipëria terreni për dyshime është jashtëzakonisht pjellor”-tha Hasimja.
Aktualitet
Axhami: Filozofia Zogiste në kohë moderne, nën moton “Atdheu mbi të gjitha”
Aktualitet
Vdekja e mistershme e të moshuarve në Dropull, lirohen personat e shoqëruar në polici
Ditën e sotme, u përcollën në banesën e fundit, dy të moshuarit që u gjetën të vdekur dhe me shenja dhune në banesën e tyre. Të afërmit e ardhur nga Greqia dhe bashkëfshatarët në Bodrisht të Dropullit i dhanë lamtumirën e fundit Kosta Ilia, 84 vjeç dhe Kleoniqi Ilia, 88 vjeçe.
Lidhur me ngjarjen e rëndë, e cila vijon ende e pazbardhur, policia ka shoqëruar mbi 10 persona. Ndërkohë pasi kanë dhënë deklarimet e tyre, personat e shoqëruar janë lënë të lirë. Disa pista hetimi janë ngritur për vdekjen e tyre, ku deri tani, nga policia dhe prokuroria është lënë në hije pista e një grabitje të mundshme. Kjo pasi edhe pensioni që i moshuari kishte marrë pak ditë më parë në Greqi iu gjet në portofol. Gjithashtu është hedhur poshtë dhe versioni se çifti mund të ketë vrarë njëri- tjetrin.
Kryefamiljari i cili kishte marrë një plagë në kokë kishte ndërruar jetë në oborrin e shtëpisë ndërsa pak metra larg tij, në brendësi të banesës u gjet e vdekur edhe bashkëshortja gjithashtu me shenja dhune në trup. Sipas policisë të moshuarit u goditën me mjete të forta rrethanore por burime thanë se në vendngjarje nuk është gjetur asnjë mjet i tillë. Për zbardhjen e ngjarjes së rëndë, grupi hetimor është rikthyer sërish në banesën e të moshuarve. Ekspertët kriminalist janë në pritje të ekzaminimeve të disa provave materiale të marra në brendësi të banesës së çiftit të viktimave.
Aktualitet
E pazakontë/ Mjeti përplas biçikletën, motorin, makinën, këmbësorin dhe përfundon në lavazh
Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.
Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.
Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.
Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.
Në vendin e ngjarjes kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.
-
Bota17 hours ago
Çnjerëzore/19-vjeçarja lind foshnjen në tualetin e konviktit dhe e hedh në kosh
-
Pinknews17 hours ago
Çmenduri/ Romeo dhe Erjola të lidhur bashkë? Graciano plas skandalin
-
Bota21 hours ago
Shoferin e zuri gjumi në timon/ Raportohet për 2 të vdekur dhe 34 pasagjerë të lënduar
-
Pinknews17 hours ago
TRONDITET rrjeti/ Juli shokon Romeon: Kam bërë ALEANCË me Heidin
-
Pinknews22 hours ago
Tension mes Eglës dhe Rozës/ Agravon gati në përplasje fizike: Mos prek me dorë moj vajzë
-
Pinknews22 hours ago
“Tradhtare”/ Egla shpërthen ndaj akuzave të Romeos: Do më puthësh prapë duart
-
Kosova24 hours ago
DRIDHET Serbia, dy ngjarjet që shkaktojnë tërmetin apokaliptik
-
Pinknews20 hours ago
“Nuk më ka dalë akoma e keqja”/ Egla flet për të atin: Ndërroi jetë kur…