Shkrime
Ëndrra e një stine vere me spiunë
Nga Roland Qafoku
Në kulmin e Luftës së Ftohë, kur CIA dhe KGB ishin në ekspasion dhe konkurencë të fortë mes tyre, qarkullonte një histori me humor. Për të ulur vlerën e CIA-s, propaganda komuniste ruse tregonte se KGB ia zbulonte të gjithë agjentët rivalit të saj CIA-s. Po si? Lehtë fare: Në një rast, njeriun që e kishte dërguar në Moskë si agjent i fshehtë ishte një djalë me ngjyrë. Mjafton kjo që rusët e KGB-së të “vërenin” asnjë inteligjencë te inteligjenca amerikane. Kjo ishte e gjitha një barsaletë për të treguar supermaci, një stil tipik i asaj kohe. Por në fakt mes KGB-së dhe CIA-s, për afër 5 dekada u zhvillua një luftë reale brenda asaj që quhej Lufta e Ftohtë. Qindra agjentë të CIA-s amerikane u infiltruan në KGB-në ruse dhe anasjelltas nën rregullin se spiuni nuk duhet të ndodhet në qendër të ngjarjeve. Kulmi i spiunazhit ishte Kim Philby, sekretar i ambasadës britanike në Washington dhe shef i shërbimit britanik MI6 në këtë ambasadë. Ai i dha shumë materiale KGB-së, përfshirë edhe dokumente për operacionet e CIA-s në Shqipëri. Gjatë ushtrimit të detyrës së tij si kryeministër, Tony Blair e pranoi publikisht fiaskon e MI6 dhe CIA-s të asaj periudhe si një nga dështimet më të mëdha në historinë e këtyre dy shërbimeve aleate.
Vijmë pas më shumë se tri dekadash nga rënia e Perdes së Hekurt. Më 20 gusht 2022, Shqipëria u bë sërish lajm i parë në median botërore me histori spiunësh. Tre të rinj, dy rusët Mikhail Zorin 24 vjeç dhe Svetlana Timofleeva 33 vjeçe si dhe ukrainasi Fedir Alpatov 25 vjeç, u arrestuan të dyshuar si agjentë të shërbimit sekret të Rusisë FSB, pasardhësja e KGB-së së famshme dhe të frikshme. Ata po fotografonin ish-uzinën e armëve në Çekin të Gramishit dhe pas pengimit që i kanë bërë ushtarët roje, të rinjtë janë përleshur madje kanë përdorur edhe spry për tu dëmtuar shikimin. Alarmi përfshiu gjithë shtetin shqiptar nga qeliza më e vogël deri në kupolë dhe arrestimi i tre të rinjve me një makinë sportive i markës amerikane “Chevrolet” u trajtua si një histori spiunimi i FSB-së ruse, i barasvlefshëm me radiolojën e operacioneve të famshme “Buza e Bredhit” dhe “Liqeni i Vajkalit” në vitin 1949 deri në 1951. Pra, tre të rinj që nën petkun e turistëve synonin të vilnin të dhëna për një uzinë që dikur prodhonte armë dhe në mënyrën më të trashë u përleshën me ushtarët pasi ata i panë se po fotografonin. Por a duken spiunë tre të rinjtë me adrenalinën e eksploruesit urban dhe pasionit për të fotografuar një uzinë ushtarake të shndërruar në togje hekurishtesh? Versioni i parë zyrtar i dalë nga grupi hetimor të lë pa fjalë teksa theksuan:
“Nga pyetja e tyre deri në këtë fazë të hetimit ka rezultuar baza e arsyeshme e të dhënave që krijon dyshimin e bazuar në prova se kanë ardhur në Shqipëri, me mision, të rekrutuar nga shërbimet inteligjente ruse”.
Një pjesë e medias shqiptare u tregua jo pak naive saqë i quajti të rinjtë një skuadrilje spiunazhi të dërguar nga shërbimi ushtarak rus GRU dhe ai i jashtëm SVR, derivate të FSB-së shrbimi sekret qendror i Rusisë famshme. Lehtësitë e etiketimit si agjentë mori dhenë në çdo gazetë, në çdo televizion dhe në çdo portal duke bërë që mes gazetarëve të shpërthente një konkurencë se cili do jepte më shumë detaje për agjentët duke i trajtuar ata sikur të ngjanin me agjentin e famshëm Claus Fuchs që teksa punonte në laborarorin amerikan në Los Alamos për prodhimin e bombës bërthamore i jepte KGB-së informacione se çndodhte atje. Për nder të mbiemrit të tij, në Shqipërinë e komunizmit fjala Fuchs mori konotacionin e një spiuni. Ishin aq të tendosur dy ministrat Niko Peleshi dhe Bledi Çuçi në konferencën për shtyp pas dy ditëve nga arrestimi i tyre saqë ndonënse u treguan të kujdesshëm për të mos artikuluar gabime në ato që thoshin përsëri lanë të kuptohej se ky ishte një rast agjenturash dhe nuk mund të trajtohej si një incident i tre aventurierëve të rinj që si blogerë apo pasionantë të fotografisë synonin të merrnin të dhëna për shërbimin sekret. Por të gjitha pikëpyetjeve dhe dilemave ua mbylli gojën vetë kreu i qeverisë Edi Rama teksa tha më 26 gusht:
“Mjegulla e ngritura mbi të ashtuquajturat objekte të rëndësisë së veçantë ishte për të qarë dhe për të qeshur. Ato nuk janë as fabrika që prodhojnë armë. Ato janë karakatina të deklasifikuara si objekte të rëndësisë së veçantë. Kanë statusin e SHPK-ve të falimentuara. Janë deri në pikën kur për shkak se nuk kanë mundësi të paguajnë dritat ju priten edhe dritat. Kanë disa roje për ta mbrojtur nga zaptimet. Të thuash që po bëhej spiunazh duke fabrikuar mbetjet e komunizmit është shumë qesharake. Ajo që duhet të na shqetësonte është këta persona çfarë qëllimesh të vërteta kanë në vendin tonë. Një mision spiunazh me veturë sportive e cila duket sikur thërret aman hajdeni dhe më kapni është qesharake”.
Po përse lajmi me tre të rinjtë mori jehonën e medias vendase dhe të huaj madje? Çfarë ishin këta të rinj që kishin pasion të shtuar për vizita në vende që ne shqiptarët i kemi harruar? A kishte vend për tu shqetësuar ndaj tre të rinjve që shkrepnin foto dhe çuditshëm u përleshën edhe me ushtarët roje? A mund të jenë agjentë të një shërbimit sekret disa që kryejnë veprime të këtij lloji dhe duke shkelur rregullin mw kryesor tw njw agjenti, atw qw nuk duhet tw jetw nw wendwr tw ngjarjes? Qesharakja arriti kulmin kur media raportoi dëshmitë e vetë “agjentëve”. Çdo gazetë dhe televizion raportoi pak a shumë këto fjali:
“Mësohet që 23 vjeçari rus, Zorin, student në Republikën Çeke, të ketë pranuar se është ngarkuar nga shërbimet inteligjente ruse për të fotografuar objekte ushtarake dhe të infrastrukturës kritike. Në ato që prokuroria i cilëson si “pajisje speciale elektronike të fotografimit” mësohet se janë gjetur dhe imazhe të disa veprave hidroenergjitike të vendit”.
Dhe të dhënat shtesë e ndërlikuan akoma më shumë historinë. Për dy të tjerët, ukrainasi Alpatov dhe rusja Timofleeva, media raportoi se kanë mohuar të jenë pjesë e shërbimeve të huaja inteligjente, dhe se kishin ardhur në Shqipëri për turizëm. 33-vjeçarja Timofleeva, e cila është spostuar me banim në Gjeorgji, pas konfliktit në Ukrainë, është një blogere, e njohur për foto nga objekte ushtarake, ndonëse me siguri të lartë. Në vitin 2012, fotografitë e saj nga brenda një fabrike raketash në afërsi të Moskës, patën jehonë jo të vogël.
E thënë me pak fjalë: Nëse do jenë spiunë, vërtetë këta duhet të jetë më të paaftët në historinë e spiunazhit. Veprimet e tyre por më shumë veprimet dëshmia e tyre se pranojnë se janë agjentë është edhe më qesharake se kaq. Për një javë opinioni u mbars me versionin e agjenturës dhe pas kësaj gjithçka u trajtua me një version pak më të zbutur. Pavarësisht se nuk mund të kalojë duke u qeshur e gjitha kjo, seriozja është gjetiu. Mua më shqetëson më shumë e vërteta e invazionit rus në Shqipëri nën petkun e turistëve. Por jo në stilin e këtyre tre tipave. Më shqetëson fakti që shumë prej tyre kanë blerë vila dhe apartamente në Shipëri, veçanërisht Sarandë. Dhe kjo është pothuajse e njëjtë me ekspasionin rus të blerjes së tokave, shtëpive, apartamenteve dhe bizneve në bregdetin e Malit të Zi. Mua më shqetëson fakti që disa portale duken hapur që kanë një qendrim të çuditshëm ndaj Rusisë. Mua më shqetëson fakti që disa gazetarë apo analistë të vetëshpallur kanë një trajtim jo normal të Luftës në Ukrainë dhe krimeve të kryer nga Rusia atje. Mua më shqetësojnë raste si një raport në media që bën fjalë për një ushtarak të lartë shqiptar që ka dhënë informacione sekrete zyrtarëve rusë të ambasadës në këmbim të shpenzimeve të studimeve për të birin. Vërtetë këto janë problem që nuk mund të kalojë as me të qeshur e as lehtësisht siç kalojnë tek ne. Pa disa blogerë aventurierë që argëtohen me lojra luftash janë shqetësimi më i vogël.
Sikur në një moment të imagjinojmë se vërtetë tre të rinjtë do rezultojë se janë spiunë të FSB-së. Mos o zot se do na bëhej një çështje ndërkombëtare! Rusia do na akuzonte se i kishim arrestuar agjentët e saj dhe kushedi se çdo kërkonte në këmbim. Tamam si historia e basketbollistes amerikane Brittney Grinner që u dënua me 10 vjet burg në Moskë dhe që në këmbim për lirimin e të cilës Rusia kërkon lirimin e disa agjenëtve të saj në SHBA. Çudia shtohet kur për tre të rinjtë e arrestuar në Gramsh nuk ka asnjë interesim dhe asnjë reagim nga Rusia. Unë jam i bindur që një ditë kjo ngjarje do futet te “funny story” me spiunë, tamam si ajo barsaleta propagandistike ruse për CIA-n. Në ndonjë libër do shkruhet se nuk kishte histori më qesharake kur në verën e vitit 2022 u servir si një operacion i shërbimit sekret rus për zbulimin e të dhënave për një uzinë ushtarake fantazëm në Çekin të Gramshit. Tamam si agjenti me ngjyrë i CIA-s i hedhur në Moskë gjatë Luftës së Ftohtë. Në rastin tonë do shkruhet se tre agjentë të Rusisë të maskuar si blogerë dhe turistë “loë cost” u hodhën në veprim në Shqipëri. Vetëm se bën një gabim të vogël: Po fotografonin pa droje një uzinë fantazëm, u përleshën me rojet ushtarake, u hodhën spry në sy dhe pasi u arrestuan teksa lëviznin me një makinë luksoze “Chevrolet” pranuan menjëherë që ishin agjentë rusë. Me këtë do gajasen të gjithë.
OPINION
Rrethimi i tretë i shqiptarëve!
Shkrime
Shkopi dhe karota, emisari Escobar i kursyer në vendime
Pas lajmit se Miroslav Lajçak, i dërguari i posaçëm i BE-së për dialogun ndërmjet Beogradit dhe Prishtinës, po largohet për një detyrë tjetër, shumë u habitën nga lajmi se Gabriel Escobar , i cili, ashtu si Lajçak, nuk do të shihet më në Beograd dhe Prishtinë në rolin e të dërguarit special të SHBA-së për Ballkanin Perëndimor, pasi sipas DASH, po shkon në një tjetër mision.
Deri më tani nuk dihet nëse dhe kush së bashku me pasardhësin e Lajçakut, Borut Pahor, në periudhën e ardhshme do të tentojnë që në emër të Amerikës të normalizojnë marrëdhëniet Beograd-Prishtinë, por gjithsesi rezultatet e Escobar-it mund të analizohen.
Milica Andriç Rakiç, drejtore e programit të Iniciativës së Re Sociale nga Mitrovica Veriore, kujton se në fushatën parazgjedhore, administrata e Biden premtoi se do të mbështeste rolin kryesor të BE-së si ndërmjetëse në dialog, dhe ata vazhdimisht i qëndruan asaj.
“Fokusi më i madh i ‘gjeneralit’ amerikan në dialog ishte pozita e komunitetit serb në Kosovë përmes formimit të asociacionit, por nuk pati rezultate të prekshme, gjë që zyrtarët e Departamentit të Shtetit e pranuan hapur. SHBA-të kanë humbur një partner në Kosovë me qeverinë e Albin Kurtit dhe kjo ndikon ndjeshëm në aftësinë për të zbatuar vizionin e tyre për një Kosovë evropiane. Escobar ka qenë prej kohësh fytyra e strategjisë dhe kontributit të SHBA-së në dialog, por, ashtu si ndërmjetësi kryesor Lajçak, ishte i kufizuar në marrjen e vendimeve, si për karotat, ashtu edhe për shkopinjtë” – e përshkruajti ajo për median serbe ‘Danas’.
Sipas saj, si rezultat, dialogu në vend që të ishte një mjet për rregullimin e marrëdhënieve ndërmjet Kosovës dhe Serbisë, u shndërrua në një aparat zjarrfikës dhe tani dalëngadalë po bëhet burim i zjarreve dhe krizave të reja.
“Në mënyrë që roli i SHBA-së, pra i dërguari i saj, të ishte më efektiv, duhet të kishte vullnet që SHBA-të të përfshiheshin më shumë në dialog, në vend që të uleshin në dhomën tjetër teksa negociatat vazhdonin, por SHBA-të, nga respekti për partnerët e saj evropianë dhe BE-në, nuk e bënë këtë, të paktën administrata e Biden. Kjo është arsyeja pse emërimi i mundshëm i pasardhësit të Escobar do të varet ndoshta nga vlerësimi i Departamentit të Shtetit nëse në hierarkinë ekzistuese dhe kompetencat e të dërguarit ai ose ajo mund të kontribuojë në dialog më shumë se disa nga pozicionet e përhershme në Byronë për Evropën dhe Euroazinë” – vlerësoi Andriç Rakiç.
Dhe studiuesi i Rrugës së Tretë të Re, Dragoslav Rašeta, theksoi se për momentin nuk ka as informacione të besueshme dhe as thashetheme se kush mund të jetë i dërguari i ri special për Ballkanin Perëndimor, në radhë të parë për shkak se administrata Biden, për shkak të balancës së pushtetit ndërmjet Demokratëve dhe republikanëve në Senat dhe në Komisionin e Punëve të Jashtme të Senatit, kanë pasur shumë probleme me vendosjen e diplomatëve gjatë tre viteve të mëparshme.
Ai i tha Danasit se ndoshta do të duhet pak kohë derisa të gjendet një kandidat që do t’i përshtatet të dyja palëve.
Sipas mendimit të tij, që nga emërimi i Escobarit, është bërë përparim i dukshëm në normalizimin e marrëdhënieve ndërmjet Beogradit dhe Prishtinës, edhe pse nuk ka pasur përparim në muajt e fundit. Kjo është arsyeja pse ai beson se performanca e Escobar shihet me sy të mirë në Uashington, edhe pse ai nuk arriti t’i shtyjë të dyja palët në vijën e finishit.
Milija Biševac, një nga themeluesit e Lëvizjes Popullore Serbe në Kosovë, theksoi se dialogu ndërmjet Beogradit dhe Prishtinës aktualisht është në nivelin më të ulët. Sipas tij, tensioni në marrëdhënie ka nisur dy vite më parë, menjëherë pas shpërthimit të luftës në Ukrainë dhe ardhjes në pushtet të Albin Kurtit në Prishtinë.
“Edhe pse në opinion ka teori të ndryshme që kanë të bëjnë me shkarkimin e tij dhe madje disa skandale që kanë të bëjnë me korrupsionin, fatkeqësisht gjatë përfshirjes së tij në dialog nuk kemi parë shumë rezultate sepse politika e ushtruesit të detyrës së kryeministrit në Prishtinë është ekstreme dhe e mbyllur ndaj ndikimeve të jashtme, madje edhe ndaj SHBA-së. Sigurisht, zgjedhja e një të dërguari të ri mund të ndryshojë shumë gjëra në vetë dialogun, por edhe në marrëdhëniet në të gjithë Ballkanin Perëndimor, të cilat janë mjaft të acaruara” – deklaroi Bishevac.
Shkrime
Një opozitë që kërkon ndihmë nga Edi Rama për të mundur Erion Veliaj
Nga Mero Baze
Ka një lutje publike të opozitës për Edi Ramën, që së paku tu jap një mundësi të ndjehen të fituar ndaj Erion Veliaj, meqë qeverinë se mundin dot.
Për këtë I janë turrur fjalimit të Edi Ramës rreth reformave që duhen ndërmarrë kundër korrupsionit në shtetin shqiptar, dhe po përpiqen ta përkthejnë si fjalim kundër Erion Veliaj. Disa nxjerrin pikat e fjalimit që as socialistët si kanë mbajtur aq mirë shënim dhe I identifikojnë me Veliaj.
Të tjerë shpikin dhe gjëra që Rama si ka thënë dhe prap I identifikojnë me Veliaj. Madje për ta bërë më të plot konspiracionin, e ilustrojnë dhe me dokumente të dal nga ministritë, që dhe ato të quhen që I ka nxjerr Edi Rama kundër Erionit. Ata kanë në dorë dhe thuajse gjithë numrat e protokolleve të ministrive që janë marrë me inceneratorët dhe shpjegojnë dhe çfarë kanë pasur në mendje ministra të ndryshëm kundër Erionit.
Pra 24 orë pas thirrjes së Edi Ramës, për opozitën që tu bashkohet reformave kundër korrupsionit në administratë shtetërore, I vetmi përkthim që opozitarët duan ti bëjnë thirrjes është që ai tu jap kokën e Erion Veliaj.
Mënyra se si po e përkthen opozita, nuk tregon atë që ka në mendje Edi Rama, por atë që ka nevojë opozita. Dhe opozita duket se ka nevojë urgjente që Edi Rama ti jap një dhuratë meqë nuk po ja dalin dot. Madje jo që nuk po ja dalin, por sheshi para bashkisë, ka përditë me më pak se 50 vet dhe e vetmja gjë që rritet është dendësia e njerëzve të inkriminuar të cilët nuk kanë alternativë tjetër.
Në këtë pikë dëshpërimi I opozitarëve është dhe më I thellë, pasi edhe pse hedhin Molotov dhe thërrasin gjithë banditët para bashkisë, përsëri ndjehen të pafuqishëm dhe kërkojnë ta vrasin Erion Veliaj me dorë të Edi Ramës.
Nëse lexon mediat kryesore të opozitës prej dje deri më sot, duket që Edi Rama është ylli polar I tyre, idhulli I tyre që mund ti shpëtoj nga humnera ku kanë rënë duke ua hequr Erion Veliaj. Nuk kanë asnjë shpresë tjetër. Me sa duket as nga SPAK nuk shpresojnë më përveçse nga Edi Rama.
Në fakt fjalimi I Edi Ramës nuk ka ndonjë ofertë personale dhe as ndonjë identikit të korruptuari , por ngre nevojën alarmante që administrata e shtetit shqiptar të krijoj kulturën e përballjes me ligjin dhe të jetë e pavarur nga lidershipi politik.
Nuk di nëse i gënjen apo tallet dikush nga brenda pushtetit të Edi Ramës, apo e kanë instiktive këtë reagim, por nëse ka një rrugë që e bën me imunitet dhe më të fort politik Erion Veliaj, përfshi dhe nga Edi Rama , është kjo rruga që ka zgjedhur opozita që ti kërkoj si nder Edi Ramës kokën e Erion Veliaj për llogari të tyre.
Mirë është të gjejnë diçka më kreative që të paktën të duket sikur arrijnë dhe vet ndonjë gjë se nuk mund të shtynë gjithë jetën në opozitë duke kërkuar leje nga Edi Rama. Edhe për të vrarë Erion Veliaj.
Shkrime
Serbët pa busull, nuk duan të dalin nga tuneli
Nga Zheljko Ivanoviç
“Rroftë përgjithmonë Serbia” – Kështu tha Millosh Vuçeviç, kryeministri i ri serb, i cili nuk premton për mirë, duke gjykuar nga përvoja e Ballkanit në tërësi. Duket se makina mori tatëpjetën ose iku në të kaluarën në vend të së ardhmes.
Serbia ka arritur në pikën e sotme fundore, pa detin që e ka pasur ëndërr kaq shumë kohë, siç vërejti me të drejtë kryeministri i porsaemëruar, por jo për shkak të të ashtuquajturit Vojisllav Koshtunica, i cili i shtoi atij mozaiku vetëm një guralec, por për shkak të themeluesit të politikës së vitet 1990. Atëherë elita politike dhe intelektuale serbe, me mbështetjen e plotë të Kishës Ortodokse Serbe, në vend të demokracisë dhe anëtarësimit në BE, zgjodhi projektin e Serbisë së Madhe, një koncept antievropian dhe siç doli, edhe një koncept antiserb, një kamp në të cilin duhej të jetonin të gjithë serbët e botës, siç besonin dhe ëndërronin të rinjtë në atë kohë, mes të cilëve edhe aktivisti i shquar I partisë së Sheshelit, tani kryeministër i Serbisë, Millosh Vuçevië” – kështu shkruan gazetari dhe aktivisti malazez I të drejtave të njëriut, Zheljko Ivanović në një rubrikë për ‘Vijesti’.
Diskutimet dhe replikat e kryeministrit të ri të Serbisë tregojnë se edhe pas tre dekadash e gjysmë dhe katër luftërave të humbura, zyrtarët në Beograd nuk e kuptojnë pse në vend të daljes në det, atyre në fakt iu duhet një dalje nga tuneli anti-qytetërues ku po rrinë me dekada.
“Në fakt, Serbia pas luftrave mbeti jo vetëm pa dalje në det por edhe pa sy në ballë, pra gjysmë verbër” – ka shkruar Ivanović duke potencuar: – Asgjë nuk kuptoj as Aleksandër Vuçiç pas rënies së komunizmit dhe shembjes së Murit të Berlinit, se Serbia, si shumica e vendeve të tjera të Bllokut Lindor, duhej të futej në krahët e Perëndimit, pra demokracisë, institucionet e forta, mediave te pavarura. E njëjta gjë është edhe sot, edhe pse kanë kaluar dekada, ata nuk e kanë të qartë se ku është vendi i tyre dhe cili është drejtimi i lëvizjes” – shkruan Ivanović……………………………
Kjo është arsyeja pse ata janë ulur në tre karrige për 12 vjet. Në vend të rrugës evropiane, përsëri po dredha-dredha nëpër një botë të re serbe, duke ëndërruar sërish për një shtet të madh, ata enden pa busull. Por befasia nuk qëndron te Vuçeviç, pasi ai është një lojtar i dorës së dytë në ndeshjen e madhe të udhëhequr nga mjeshtri Vuçiç. Janë të kota për të miliarda investime dhe të qënit një ‘tigër ekonomik’ në Ballkan, kur Serbinë e ka kthyer prapa në çdo aspekt, aq sa Beogradi sot rrezaton më toksik se në vitet ’90, kur bëhet fjalë për institucionet e kapur, dhe kur shikon propagandë të pamëshirshme, dhe kur dëgjon kuvendin serb, dhe kur analizon se si duket dialogu në një shoqëri ku kryeministri i fundit i rradhës, bashkë me paraardhësen Brnabiç i përshkruan rregullisht disidentët politikë, gazetarët e pavarur dhe disa politikanë evropianë si gënjeshtarë, hajdutë dhe derra. Nga këto rezulton se Serbia kurrë nuk ka qenë më radikale se sa është sot, dhe ky është problemi i saj më i madh – se është larg një shoqërie normale dhe të denjë dhe jo se është larg daljes në det. Elita serbe do vazhdojë të jetë në konflikt me botën normale dhe demokratike për fajin e saj, edhe pas refuzon Rezoluten për Srebrenicën në Kombet e Bashkuara dhe Kosovën në Këshillin e Evropës. Është thjesht e pabesueshme se si Vuçiç dhe të gjitha kukullat e tij nuk e kuptojnë se duke mohuar apo trilluar krime nga e kaluara e afërt, ata vetë janë fajtorë më të mëdhenj për faktin se Rezoluta për Srebrenicën erdhi në agjendën e OKB-së. Ballafaqimi me të kaluarën, pa zbardhur dhe falsifikuar fakte dhe ngjarje, është themeli i botës dhe qytetërimit modern” – shkruan gazetari malazez Zheljko Ivanović në një rubrikë për ‘Vijesti’.
OPINION
‘Kryeministri i shikon vartësit si minj’/ Reagim i fortë nga Endi Tafani
-
Pinknews8 hours ago
‘Mos ma lërë seen të lutem…”/ Ronaldo Sharka publikon bisedën e Erjolës dhe Romeos
-
Pinknews7 hours ago
Ka qenë e lidhur me Romeon? Motra e Erjolës zbulon të vërtetën!
-
Rajon5 hours ago
“Na pret edhe një luftë tjetër”/ Dodik trondit me deklaratën e tij
-
Pinknews7 hours ago
TRONDITËSE/ Këngëtarja Teuta Selimi dhunohet nga bashkëshorti dhe vëllai i saj
-
Kronike7 hours ago
Vetëvr*asjen e Almës dhe tre fëmijëve/ Kukulla e fëmijës ndryshon pistën e hetimit, çfarë ndodhi?
-
Politike5 hours ago
Berisha paraqitet në Parlament/ Reagojnë socialistët: Kjo është fyerje…
-
Pinknews4 hours ago
E nxorri i ati prej “Grande Fratello-s”?/ Ja si qëndron e vërteta e Heidit
-
Pinknews3 hours ago
‘O zot të lutem…’/ Akuzoi për ngacmim seksual Meritonin dhe Julin, Ilnisa sulmon Eglën