Kronike
Fier, mjeti përplas për vdekje këmbësorin
FIER– Një aksident është raportuar në orët e para të mëngjesi të kësaj të mërkure në aksin rrugor Levan- Tepelenë ku një 49-vjeçar banues në Kosovë duke drejtuar mjetin tip ‘Jeep’ ka përplasur për vdekje një 5-vjeçar banues në Cakran.
Bëhet fjalë për shoferin Flamur Maloku 49 vjeç banues në Kosovë dhe Hysen Rucaj 75 vjeç i cili humbi jetën.
Grupi hetimor po punon për zbardhjen e plotë të rrethanave të aksident.
Kronike
Mijëra euro të padeklaruara, familja Troplini pretendon janë nga aktiviteti i shitjes së vezëve dhe pulave
Aksioni i SPAK dhe RENEA, solli zbulimin e një shumë të madhe në euro në banesën dhe lokalin e Fatmir Troplinit, djalit të biznesmenit të Durrësit, Xhevdet Troplini, i cili në Durrës njihet me nofkën “Poja”.
Në asnjë aksion të mëparshëm policia dhe SPAK, nuk është ndeshur ndonjëherë me këtë sasi të madhe eurosh CASH, që përllogaritet në 1 milion euro.
Ndërsa pasuria e përgjithshme në makina dhe ora luksoze të sekuestruara, përllogaritet në gati 3 milion euro.
Në momentin kur policia i ka zbuluar eurot në bidonë plastikë të groposur në tokë, në sirtarë dhe vende të ndryshme, familjarët e Fatmir Troplinit, kanë pretenduar se kjo pasuri rrjedh nga aktiviteti tregtar në biznesin e shitjes së vezëve dhe pulave, biznes ky që administrohet nga familja Troplini.
Tufat me euro të vendosura në valixhe dhe vende të ndryshme, ishin qershia mbi tortë dhe ajo që justifikoi mundin e këtij operacioni të ndërmarrë nga SPAK.
Kjo pasi pjesa më e madhe e bosëve të krimit në Shqipëri, ishin larguar përpara kryerjes së këtij operacioni, duke hedhur dyshime të forta për dekonspirimin e tij.
Familja Troplini, ka influence të forta në qytetin e Durrësit dhe dyshohet se ka aktivitet kriminal në tregtinë e heroinës dhe kokainës.
Disa prej anëtarëve të kësaj familje, kanë mbajtur të fshehur dhe Nuredin Dumanin, që sot është bashkëpunëtori i penduar i SPAK. Për shkak të kësaj situate, RENEA dhe SPAK në muajin Maj 2022 ushtroi kontrolle në banesën e nipit të Troplinit, Ervisit.
Familja e Troplinit, është lidhur ngushtësisht dhe me lëvizjen socialiste për integrim, e cila ka dalë hapur në fushata elektorale për këtë subjekt.
Fatmir Troplini, djali i Xhevdetit zotëron kompaninë e pularisë të quajtur “GLAUK imp-exp“, të cilën e ka themeluar në vitin 2017.
Kjo kompani nga dita e themelimit e deri më sot ka pezulluar dy herë aktivitetin e saj.
Ndërsa në emër të Xhevdet Troplinit, janë të regjistruara tre biznese të ndryshme, si shoqëria aksionere “Euromag 2000”, “Ovvital” në të cilin është aksioner me Hysen Doccin dhe ka një biznes tjetër që mbarështon pulat.
Kronike
’15 vetë morën pjesë në vrasjen e Brilantit’/ Gazetari: 100 vetë në zhdukjen e Vis Martinajt
Duke komentuar operacionin e SPAK me rreth 50 urdhër-arreste të lëshuara, gazetari Ferdinand Dervishi deklaroi se Policia e Shteit e di se çfarë ka ndodhur me të shumëkërkuarin Ervis Martinaj, i zhdukur që prej muajit gusht të vitit 2022.
Ai tha se janë bërë bashkë dy grupe të mëdha për të eliminuar njerëzit e afërt të tij, duke e lënë të vetëm dhe më pas e zhdukën edhe atë. Sipas Ferdinand Dervishit, në atentatin ku u vra Brilant Martinaj kanë marrë pjesë 15 vetë, ndërsa për zhdukjen e Ervis Martinajt kanë qenë të mobilizuar 70 deri në 100 vetë.
Dervishi: Ne jemi në rrugë të mbarë, sigurisht ka ngjarje kriminale që janë të vështira për t’u zbuluar, sepse krimi është sofistikuar. Krimi ecën gjithmonë një hap përpara, kemi zhdukje personash. Ka vrasje me telekomandë, por unë do thoja që nuk është se nuk e di policia për Ervis Martinaj. U bën dy grupime të mëdha dhe filluan të vrisnin njerëzit e vet dhe mbeti vetëm në fund fare. Policia e di shumë mirë se si ka ndodhur. Në vrasjen e Brilant Martinajt kanë marrë pjesë 15 veta. Policia e di mirë që në vrasjen, zhdukjen e Martinajt kanë qenë të mobilizuar 70-100 veta.
Kronike
Shpërthimi me tritol në një banesë në Fushë Krujë, ja kujt iu vendos lënda plasëse
Një sasi lënde plasëse është vendosur në ambientet e jashtme të një banese në Fushë Krujë, fatmirësisht pa shkaktuar lëndime në njerëz.
Ngjarja ka ndodhur mbrëmjen e së shtunës, ndërsa policia ka nisur hetimet për zbardhjen e rrethanave të ngjarjes.
Në momentin e shpërthimit në banesë ndodheshin dy vëllezërit bashkë me familjet e tyre dhe nëna e moshuar. Sipas raportimeve për BalkanWeb, dy vëllezërit merren me mobileri dhe nuk njihen si persona problematikë.
“Më datë 18.05.2024, rreth orës 22:10, në Arrameras, në ambientet e jashtme të banesës së shtetasit A. K., dyshohet se ka shpërthyer një sasi e vogël lënde plasëse, dhe si pasojë ka vetëm dëme materiale (është dëmtuar porta e jashtme).
Grupi hetimor po punon për sqarimin e rrethanave të ngjarjes”, njoftoi Policia.
Kronike
FOTO/ Trafikndarësja përshkon tej për tej makinën, shoferja në gjendje kritike
Një aksidenti i rëndë është regjistruar mbrëmjen e djeshme në aksin Kuç-Qeparo. Mësohet se një makinë ka humbur kotrollin dhe ka dalë nga rruga. Nga pamjet e publikuara nga vendi i ngjarjes duket makina e e aksidentuar e cila është përshkuar nga trafikndarësja tej për tej.
Raportohet se për shkak të aksidentit drejtuesja e mjetit ka marrë plagë të rënda dhe është dërguar në spital, ku ndodhet në gjendje të rëndë shëndetësore. Sipas raportimeve aksidenti ka ndodhur mbrëmjen e 18 majit rreth orës 23:45 minuta. Ndërkohë shkak i aksidentit të rëndë mendohet shpejtësia e mjetit dhe lagështira në rrugë.
Kronike
Burri i gjyqtares Saida Dollani u rrah brutalisht, Shullazi e organizoi nga burgu me Martinajn e ish-deputetin
Nga Elton Qyno
Një ndër ngjarjet e rënda që ka zbuluar ky operacion i SPAK është dhe rrahja brutale që i është bërë bashkëshortit të gjyqtares së Apelit për Krime të Rënda, Saida Dollani.
Kjo gjyqtare vijon të ushtrojë detyrën e saj në Gjykatën e Posaçme të Apelit, ndërsa burri i saj ka ndërruar jetë.
Ashtu siç ka raportuar Elton Qyno në vitin 2019, edhe në bisedat e SKY të zbardhura nga SPAK, ka rezultuar se organizator i rrahjes brutale dhe më pas vendosjes së pistoletës në gojë të burrit të gjyqtares Saida Dollani, është Emiljano Shullazi.
Policia në atë kohë arrestoi një person, por shumë shpejt ai u lirua dhe më pas çështja për akuzën e “Kanosjes ndaj gjyqtarit” dhe rrahjes së burrit të Saida Dollanit u pezullua nga prokuroria e Tiranës, për mungesë autori.
Megjithëse në raportimet e para dhe dyshimet krijonin bindjen e forta se gjithçka ishte bërë nga brenda burgut me qëllim që Saida Dollani, të jepte dorëheqjen nga procesi penal kundër Shullazit, Gilmando Danit, e 4 personave të tjerë që po zhvillohej në gjykatën e Apelit për Krime të Rënda.
Sipas dosjes penale të finalizuar tashmë nga SPAK me 50 persona të arrestuar, njerëzit kryesorë që kanë bërë të mundur rrahjen brutale të burrit të Saida Dollanit, janë Emiljano Shullazit, ish-deputeti i PS Arben Ndoka dhe Ervis Martinaj.
Burri i gjyqtares, Saida Dollani denoncoi se u kërcënua me pistoletë në prill të vitit të kaluar, teksa gruaja ishte pjesë e trupës gjyqësore të Emiljano Shullazit dhe grupit të tij.
“…në një moment dola për të pirë një cigare nga një lokal ku isha me një mikun tim. Në atë moment kaloi gruaja ime me një shoqe dhe vajzën e saj, ndërsa pak minuta më pas erdhi një djalë i ri rreth 20-22 vjeç. Ai erdhi direkt me pistoletë në dorë, më rrëzoi në tokë dhe më drejtoi pistoletën në gojë dhe mu drejtua me fjalët ‘ti me atë tët shoqe mos harro se ke dy fëmijët në Francë’. Kërcënimi ka ndodhur për shkak të funksionit të bashkëshortes time si gjyqtare në gjykatën e Apelit për Krime të rënda…”-është shprehur mes të tjerash burri i gjyqtares.
Saida Dollani u largua nga procesi gjyqësor i Shullazit, ndërsa për rastin e kërcënimit nisën hetimet në Prokurorinë e Tiranës.
Por 10 muaj më pas prokurorja Ida Ahmetlli kërkoi pushimin e hetimeve, ndërsa gjykata e kundërshtoi duke e rikthyer për vijimin e hetimeve.
Sërisht çështja nuk mundi të zbardhej duke shkuar drejt pezullimit të saj.
Procesi i Shullazit ngeci në Apel, ku Shullazi dhe grupi i tij apeluan vendimin e shkallës së pare. Dënimi i tyre në Apel u dha pa prezencën e avokatëve mbrojtës, ndërsa çështja tashmë është në gjykatën e Lartë.
Emiljano Shullazi u dënua nga Shkalla e Parë e Krimeve të Rënda dhe në Apel me 14 vite burg, ndërsa grupi në total me 55 me për krijim të grupit të strukturat kriminal, gjobëvënie dhe kanosje për shkak të detyrës.
Pjesë e këtij grupi ishin Emiljano Shullazi, Gilmando Dani, Blerim Shullazi, Endri Zela dhe Endri Qyqja.
-
Pinknews19 hours ago
‘Unë nuk dua t’ia di se çfarë….’/ Pas eliminimit nga “BBV3”, Erjola ka dy fjalë për publikun
-
Aktualitet15 hours ago
Pronari i hotelit në Dhërmi ndërron jetë në spital, e zuri korrenti bashkë me dy punonjësit
-
Aktualitet15 hours ago
Lihen në burg në Angli dy kriminelët shqiptarë! Kalonin ilegalisht emigrantë me kamion dhe avionë të vegjël
-
Kronike18 hours ago
Drejtori i Policisë së Lezhës, drejtonte trafikun e drogës, del FOTOJA
-
Kosova23 hours ago
Vuçiç dërgon ushtrinë në kufi me Kosovën, ja qëllimi sipas analistit ushtarak nga Beogradi
-
Pinknews14 hours ago
Afrona e pyet për tradhtinë, Blero e pranon publikisht: Më kanë tradhtuar
-
Kronike14 hours ago
Incidenti mes fisit Ndoka dhe Kryemadhit/ Hoxha: Si u bënë aleatë grupi i ish-deputetit me grupin e Martinajt?
-
Pinknews18 hours ago
“Të mbrojë të dashurën, jo shokun”/ Sherri Heidi-Meriton, banorët sulmojnë Romeon