Aktualitet

Horoskopi ditor, 11 Gusht 2022

DASHI
Përfshihuni në sport dhe aktivitete në natyrë. Sot, biznesmenët e kësaj shenje duhet të shmangin njerëzit që kërkojnë ndihmë financiare, pasi ka gjasa të mos ua kthejnë paratë. Një zhvillim i rëndësishëm në jetën tuaj profesionale, do të sjellë gëzim për ju dhe familjen tuaj.

DEMI
Puna krijuese do t’ju mbajë të relaksuar. Do diskutoni çështje financiare me bashkëshortin/bashkëshorten dhe do bëni plane për të ardhmen. Mos u bëni imponues në jetën tuaj të dashurisë.

BINJAKET
Do ta keni të vështirë të përqendroheni në punën, pasi nuk do të ndiheni mirë fizikisht. Investimet e bëra sot do të rrisin prosperitetin dhe sigurinë tuaj financiare.

GAFORRJA
Mund të përballeni me çështje që lidhen me paratë. Mos e lini pas dore jetën tuaj shoqërore. Kjo do t’ju relaksojë dhe do t’ju çlirojë nga tensioni.

LUANI
Sjellja e fëmijëve tuaj mund të mos ketë miratimin tuaj dhe kjo mund t’ju zemërojë. Përpiquni të jeni të duruar, pasi përndryshe do t’i vështirësonit gjërat. Personat e kësaj shenje që kanë interesa biznesi jashtë shtetit ka gjasa të përfitojnë financiarisht sot.

VIRGJERESHA

Sot do të kuptoni se dashuria pushton gjithçka. Sa i përket aspektit financiar, pas një faze të vështirë, dita do ju befasojë me diçka të bukur në punë. Ka gjasa që pasditen ta kaloni në qetësi në shtëpi.

PESHRJA
Bëni diçka që do t’ju ndihmojë t’i afroheni qëllimeve tuaja. Disa vendas të kësaj shenje pritet të kenë përfitime financiare sot përmes fëmijëve të tyre, çfarë do t’ju bëjë të ndiheni krenarë. Situata në jetën tuaj familjare do jetë disi e paparashikueshme.

AKREPI
Jini të vëmendshëm, pasi dikush mund të përpiqet t’ju bëjë diçka pas shpine. Mund të ketë një rritje të përkohshme të stresit dhe tensionit në jetën tuaj. Mundt ë merrni një dhuratë të papritur gjatë ditës së sotme.

SHGJETARI
Kjo do të jetë një ditë shumë e mirë nga pikëpamja shëndetësore. Gjendja juaj shpirtërore do t’ju mbajë në humor të mirë. Çdo shqetësim financiar i vazhdueshëm ka gjasa të zgjidhet, nëpërmjet ndihmës së dhënë nga prindërit tuaj.

BRICJAPI
Natyra juaj fëmijërore do të dalë në sipërfaqe dhe do të jeni në humor. Nëse jeni të përfshirë në një çështje ligjore që përfshin një mosmarrëveshje financiare, gjithaçka mund të shkojë në favorin tuaj sot.

UJORI
Kjo do të jetë një ditë emocionuese në jetën tuaj në çift. Planifikoni diçka të veçantë për mbrëmjen dhe përpiquni ta bëni sa më romantike. Njerëzit përreth jush mund të bëjnë diçka që do ta bëjë partnerin/partneren tuaj të dashurohet sërish me ju.

PESHQIT

Shëndeti i prindërve tuaj do të kërkojë kujdes dhe më shumë vëmendje sot. Jeta juaj e dashurisë do të lulëzojë. Përgjithësisht do të jetë një ditë e mbushur me të qeshura, kur shumica e gjërave do të shkojnë ashtu siç dëshironi.

Related Topics:aktualitet Horoskopi ditor

Click to comment

Aktualitet

Dërgimi i trupave në Ukrainë/ Shpërthen Macron: Nëse Rusia shkon më larg do detyrohemi…

Presidenti i Francës, Emmanuel Macron, e përsëriti të enjten se nuk e përjashton mundësinë e dërgimit të trupave në Ukrainë, duke shtuar se kjo çështje do të bëhej “legjitime”, nëse Rusia depërton përtej vijave ukrainase të frontit dhe nëse Kievi e bën një kërkesë të tillë.

Ai i bëri këto deklarata në një intervistë për Economist, që u publikua më 2 maj.

Ekonomist tha se Macron e dha këtë intervistë, pasi e mbajti një fjalim javën e kaluar, kur deklaroi se Evropa është “e vdekshme” dhe “mund të vdesë”, pjesërisht për shkak të kërcënimit që paraqet agresioni rus, pasi Moska e nisi pushtimin e paprovokuar të Ukrainës në shkurt 2022.

“Nuk e hedh poshtë asnjë mundësi, sepse ne po përballemi me dikë i cili nuk e hedh poshtë asnjë mundësi”, tha Macron kur u pyet nëse ende u qëndron komenteve që i bëri në fillim të këtij viti, kur tha se nuk e përjashton mundësinë që Perëndimi të dërgojë trupa në Ukrainë.

Disa analistë besojnë se Rusia mund të jetë buzë fillimit të një ofensive të re shumë të madhe në Ukrainë.

Macroni tha se “nëse Rusia vendos të shkojë më larg, ne do të detyrohemi, në çdo rast, t’ia bëjmë vetes këtë pyetje” për dërgimin e trupave në Ukrainë. Ai e përshkroi një lëvizje të tillë si “paralajmërim strategjik për homologët e mi”.

Ai e përshkroi Rusinë si një “fuqi e destabilizimit rajonal” dhe si “kërcënim për sigurinë e evropianëve”.

“E kam një synim të qartë strategjik: Rusia nuk mund të fitojë në Ukrainë”, theksoi Macron.

“Nuk do të ketë siguri në Evropë, nëse Rusia fiton në Ukrainë. Kush mund të pretendojë se Rusia do të ndalet aty? Çfarë sigurie do të ketë për vendet e tjera fqinje, Moldavinë, Rumaninë, Poloninë, Lituaninë dhe të tjerët?” pyeti ai./ REL

Aktualitet

U përplas teksa po kalonte rrugën, 70-vjeçarja shqiptare në Itali ndërron jetë pas dy ditësh në spital

Një 70-vjeçare shqiptare e cila ishte përplasur nga makina para dy ditësh në qendër të Kremones ka ndërruar jetë në spital.

Gjendja e saj, e cila menjëherë pas aksidentit nuk dukej kritike për jetën, u përkeqësua për shkak të një hemorragjie në tru. Ndonëse iu nënshtrua një operacioni, ajo nuk mundi të mbijetonte.

Viktima po kalonte Corso Cavour rreth orës 10 të mëngjesit, kur ajo u godit nga makina. Sipas policisë e moshuara shqiptare u përplas në një vendkalim për këmbësorë.

Aktualitet

E rëndë/ Ra në gropën e ashensorit, humb jetën 57-vjecari në Tiranë

Ditën e sotme, një ngjarje e rëndë ka ndodhur në Tiranë, ku një 57-vjeçar ka rënë në gropën e ashensorit të një pallati dhe si pasojë ka humbur jetën.

Policia bën me dije se rreth orës 12:50 në rrugën “Aleksandër Moisiu” shtetasi I. I., 57-vjeç, dyshohet se, duke qenë në gjendje të dehur, ka rënë në gropën e ashensorit të një pallati.

Sakaq, grupi hetimor po punon për sqarimin e rrethanave të ngjarjes.

“Më datë 02.05.2024, rreth orës 12:50, në rrugën “Aleksandër Moisiu”, shtetasi I. I., 57-vjeç, dyshohet se, duke qenë në gjendje të dehur, ka rënë në gropën e ashensorit të një pallati dhe si pasojë e dëmtimeve të marra ka humbur jetën”.

Grupi hetimor po punon për sqarimin e rrethanave të ngjarjes.

Aktualitet

I dehur në rrugë, vjedh një furgon dhe largohet! Arrestohet 51-vjeçari në Vlorë

Menjëherë pas kallëzimit të një shtetasi, se i kishin vjedhur automjetin e parkuar në lagjen “Kushtrimi”, shërbimet e Policisë Rrugore të DVP Vlorë dhe të Komisariatit të Policisë Vlorë kanë organizuar punën dhe janë vënë në ndjekje të autorit të dyshuar.

Si rezultat i veprimeve të shpejta hetimore dhe procedurale, u identifikua dhe u arrestua disa minuta pas vjedhjes së automjetit, autori i dyshuar, shtetasi D. R., 51 vjeç, banues në Vlorë, me precedent të mëparshëm penal për vjedhje. Nga verifikimet rezultoi se ky shtetas po e drejtonte automjetin e vjedhur, në gjendje të dehur dhe pa leje drejtimi.

Automjeti furgon tip “Benz”, i dyshuar i vjedhur nga shtetasi D. R., u sekuestrua në cilësinë e materiale.

Aktualitet

U konfliktua me djalin, nëna pi medikamente dhe përfundon në spital

Policia e Tiranës, ka vënë në pranga shtetasin Henri Breçani, 19-vjeç, pasi është konfliktuar me nënën e tij, e cila më pas ka konsumuar disa medikamente, duke tentuar t’i japë fund jetës.

Gruaja me profesion farmaciste, ndodhet ne gjendje kritike për jetën ne repartin e toksikologjisë.

Gjatë shoqërmit, Henri Breçani, ka kundërshtuar me forcë dhe ka goditur për shkak të detyrës punonjësit e policisë.

Sipas hetimeve Breçani, dyshohet se është përdorues i lëndëve narkotike.

Ai i ka kërkuar para, nenës së tij dhe ky dyshohet të jetë shkaku i konfliktit mes tyre.

Policia është njoftuar nga QSUT, pasi nëna e 19-vjeçarit është dërguar në spital nga të afërm të saj.