Kronike

Konferenca – Lufta ndaj kultivimit të kanabisit në Shqipëri

E organizuar nga Policia shqiptare e Shtetit, konferenca u lejoi Autoriteteve italiane të ilustrojnë rezultatet e arritura në Fushatën e Mbikqyrjes nga ajri 2020, e drejtuar nga Departamenti për Sigurinë Publike i Ministrisë së Brendshme, në bashkëpunim me Guardia di Finanza-n.

Pas fjalës së mbajtur nga Drejtori i Përgjithshëm i Policisë së Shtetit shqiptar, Ardi Veliu, mbajtën fjalën, nga Italia, Drejtori i Shërbimit për Bashkëpunimin Ndërkombëtar të Policisë pranë Ministrisë së Brendshme, Gjeneral Brigade Giuseppe Spina, dhe Gjenerale Brigade i Guardia di Finanza-s, Giuseppe Arbore. Të pranishëm në Konferencë, në Tiranë, Ambasadori i Italisë në Shqipëri, Fabrizio Bucci, Eksperti për Sigurinë – DCPC-SCIP, Salvatore Gava, dhe Komandanti i Njësisë së Kufirit Detar të Guardia di Finanza-s të Durrësit, Stefano Leccia.

Gjenerali Spina, gjatë fjalës së tij, falenderoi Autoritetet shqiptare të policisë që dëshiruan shumë të paraqiteshin, bashkërisht, rezultatet e punës së kryer gjatë vitit 2020. Ai theksoi, gjithashtu, se si, pavarësisht kufizimeve të diktuara nga emergjenca shëndetësore (Covid-19), pala italiane ka siguruar mbështetjen e nevojshme për policinë shqiptare në realizimin e kësaj fushate “si shenjë e prekshme e vazhdimësisë së kryerjes së veprimeve të përbashkëta me qëllim dekurajimin e veprimtarive kriminale” në fushën e kultivimit dhe trafikimit të kanabisit. Ai nënvizoi, gjithashtu, se numri prej 58.423 bimësh të identifikuara, të çrrënjosura e të shkatërruara, si pasojë e sinjalizimeve të bëra nga pala italiane, duhet parë si po aq domethënës i një aftësie gjithmonë e më të madhe për të ndërhyrë, aftvsi kjo e vënë në jetë nga Policia shqiptare kundër këtij fenomeni.

Gjenerali Giuseppe Arbore, në vijim, ilustroi rezultatet e arritura nga Guardia di Finanza gjatë vitit: “gjatë viteve është rritur në mënyrë progresive sipërfaqja e kontrolluar dhe e skansionuar aq sa, në vitin 2020, plot 33,2% e sipërfaqes territoriale shqiptare që përbën interes, ka qenë objekt monitorimi, me një rritje të mëtejshme të territorit të eksploruar, krahasuar me vitet e mëparshëm”. Fushata e fundit e mbikqyrjes nga ajri, e nisur më datë 1 qershor e e përmbyllur më datë 31 tetor “edhe pse me një reduktim prej rreth 18% të misioneve të fluturimit krahasuar me vitin e mëparshëm, ka lejuar identifikimin e 1.964 sipërfaqeve të mbjella, për një total prej 58.423 bimëve të asgjësuara”. Gjenerali Arbore, duke iu referuar të dhënave të paraqitura, theksoi, gjithashtu, se si veprimi i fuqishëm i kryer ka “goditur rëndë organizatat kriminale që menaxhojnë prodhimin dhe trafikimin e lëndëve narkotike, duke i detyruar ato të rishikojnë e ndryshojnë mënyrën e të vepruarit”.

Në përfundim, Ambasadori i Italisë në Tiranë, Fabrizio Bucci, nënvizoi faktin se si sektori i bashkëpunimit policor dhe lufta ndaj trafikimit të lëndëve narkotike është një prej të shumtëve sektorë të bashkëpunimit midis Italisë dhe Shqipërisë, i nevojshëm për të favorizuar hyrjen e Shqipërisë në Bashkimin Evropian dhe një model bashkëpunimi i përforcuar që mund të jetë shembull për partnerët e tjerë ndërkombëtarë. Ambasadori, pasi vuri në dukje marrëdhëniet e ngushta dypalëshe në sektorin e policisë, me plot 19 instrumenta aktivë bashkëpunimi, deklaroi: “krimi i organizuar nuk ka kufij në vetvete, pra, edhe bashkëpunimi ynë duhet të jetë sa më i gjerë e të përfshijë numrin më të madh të aktorëve të mundshëm”.

“Lufta ndaj krimit duhet të mbetet një përparësi. Mbetet një përparësi sigurisht për ne si Itali, në marrëdhënien e bashkëpunimit dypalësh me Shqipërinë, por duhet të mbetet një objektiv parësor edhe për Shqipërinë, për qeverinë shqiptare dhe për të gjitha palët politike. Sfidat dhe objektivat që kanë të bëjnë me Shqipërinë janë të mëdha dhe duhen ndjekur me sukses në interes të të gjithëve. Lufta ndaj krimit të organizuar duhet të bëjë bashkë të gjitha forcat politike dhe të gjithë përgjegjësit e institucioneve shqiptare sepse është një përparësi kombëtare”, e mbylli fjalën e tij Ambasadori.

Kronike

E rëndë/ Hidhet nga kati i tretë i pallatit, ndërron jetë 67-vjeçarja

Gjatë natës, në Spitalin Rajonal Berat, është dërguar pa shenja jete, shtetasja F. M., 67-vjeçe, banuese në Kuçovë.

Dyshohet se shtetasja F. M., në gjendje të rënduar psikologjike, është vetëhedhur nga kati i tretë i pallatit ku banonte.

Gjatë natës, në Spitalin Rajonal Berat, është dërguar pa shenja jete, shtetasja F. M., 67 vjeçe, banuese në Kuçovë.

Në bazë të ekzaminimeve mjeko-ligjore dhe të informacioneve të marra, dyshohet se shtetasja F. M., në gjendje të rënduar psikologjike, është vetëhedhur nga kati i tretë i pallatit ku banonte.

Materialet procedurale për rastin i kaluan për vlerësim, Prokurorisë pranë Gjykatës së Shkallës së Parë të Juridiksionit të Përgjithshëm Berat.

Kronike

Qarkullonte me armë në qytet/ 30 vjeçari bie në pranga gjatë kontrolleve në Mallakastër

Në zbatim të masave të planit operacional “Sundimi i ligjit”, goditet një tjetër rast i mbajtjes së armëve, pa leje.

Qarkullonte me automjet, i armatosur me armë zjarri, vihet në pranga 30 vjeçari.

Policia sekuestroi 1 armë zjarri pistoletë, me krehër me municion luftarak.

Shërbimet e Komisariatit të Policisë Mallakastër, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara nga inteligjenca policore se një shtetas lëvizte me armë në qytet, kanë ngritur pika kontrolli, dhe kanë organizuar punën për kapjen dhe arrestimin e tij.

Si rezultat, u arrestua në flagrancë shtetasi A. K., 30 vjeç, banues në Tiranë.

Gjatë kontrollit shërbimet e Policisë i gjetën atij dhe sekuestruan, në cilësinë e provës materiale, një armë zjarri pistoletë, me krehër me municion luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Kronike

Vrasjet pa autor/ Nga 192 krime brenda 4 viteve, 62 mbeten të pazbuluara

Në 4 vitet e fundit në Shqipëri janë regjistruar 192 vrasje, ndërsa 62 krime mafioze vijojnë të mbetën ende të pazbardhura. Ekzekutime me snajper, krime në familje, vrasje grash, hakmarrje apo dhe larje e hesapeve të drogës, janë vetëm disa nga kategoritë e vrasjeve në Shqipëri.

Një pjesë e ngjarjeve janë zbardhur, por vrasjet pa autor vijojnë të jenë ato të përplasjes mes bandave e për të cilat policia nuk ka arritur të vendosë pranga. Edhe kur është vepruar ndaj tyre, të dyshuarit janë liruar për mungesë provash.

I fundit ishte ekzekutimi i Gentian Bejtjas në mars të këtij viti në fshatin Larushk të Krujës. Ish-polici i burgjeve 43-vjeçar, i kishte shpëtuar tre atentateve të mëparshme ndërsa atentatorët iu futën brenda në banesë dhe e ekzekutuan.

Që prej vitit 2020 dy nga krimet e rënda që mbeten ende të arkivuara janë ekzekutimi me snajper i Kastriot Reçit në qendër të Rrëshenit, por edhe rrëmbimi e zhdukja e Jan Prengës. Ndonëse për drejtësinë ngjarja u zbardh, në burg mbeti vetëm një kopshtar. Edhe ekzekutimi i dy vëllezërve Besmir dhe Viktor Haxhia vijon të mbetet pa autor, ndonëse për këtë ngjarje kërkohet Talo Çela.

Veç qyteteve të tjera, edhe në Tiranë, vrasja e Hekuran Billës do të çonte në pranga disa të rinj, por që më pas u liruan për mungesë provash.

Viti 2020 në total numëroi 12 krime të pazbardhura. Viti 2021 numëron gjithsej 21 ekzekutime pa autor. Dy për të cilat policia dyshon se vijnë si pasojë e grupeve kriminale janë ato të vrasjes së Bardhok Pllanajt në Shkodër dhe Edmond Çekiçit në Durrës.

E njëjta histori e ekzekutimeve mafioze edhe në Vlorë, ku persona të armatosur qëlluan për vdekje Bledar Birçajn. Në Elbasan vrasjet e Everest Cakës, Lulzim Bitrit e Ardian Çollakut vijojnë të jenë pa autor.

2022, edhe pse me një numër më të ulët të vrasjeve pa autor, me 12 të tilla, sërish krimet mafioze do të tronditnin kryeqytetin, kur në rrugën Tiranë-Elbasan u hodh në erë makina e Aleksandër Sadikajt. I riu humbi jetën nga plagët, ndërsa policia ende nuk ka një person të akuzuar, por veç dyshime.

Nuk do të kalonte shumë dhe në gusht tre të rinj u ekzekutuan në mbikalimin e Fushë-Krujës. Diklen Vata, Brilant Martinaj dhe Besmir Hoxha u ekzekutuan në një pritë ndërsa automjeti i viktimave u dogj. Ngjarja e rëndë për policinë në pikun e sezonit turistik vijon të jetë e pazbardhur.

Për vitin 2023, janë ende 13 krime të pazbardhura. Më i rëndi prej tyre ishte vrasja e punonjëses së barit në zonën e Don Boskos, Mimoza Paja, por edhe e vrasjes së rojës së sigurisë Pal Kola në televizionin Top Channel. Sot e kësaj dite autorët janë në arrati. Ajo që dihet është se dy të pafajshëm humbën jetën.

Nga janari e deri më sot, për vitin 2024 regjistrohen 7 krime me 8 viktima në Shqipëri, ndërsa ekzekutimet mafioze janë ato për të cilat policia nuk ka asnjë autor./A2 CNN

Kronike

Emri/ Nga Shkodra në Tiranë me pistoletë gati për qitje, arrestohet 43-vjeçari

Një 43-vjeçar në Vorë është arrestuar ditën e sotme për armëmbajtje pa leje. Mësohet se 43-vjeçari qarkullonte me armë tip pistoletë në makinë. Blerim Gjeta, banues në Shkodër, ishte emër i njohur për Policinë dhe i dënuar për kanosje dhe kërcënim.

Njoftimi i Policisë:

Seksioni i Operacioneve Speciale në DVP Tiranë, në bashkëpunim me Komisariatin e Policisë Nr. 7, në zbatim të masave të planit operacional “Sundimi i ligjit”, bazuar dhe në informacionet e siguruara nga inteligjenca policore, finalizoi operacionin e koduar “Van”. Gjatë operacionit u arrestua në flagrancë shtetasi B. Gj., 43-vjeç, banues në Shkodër, i dënuar më parë për vepra penale kundër jetës dhe personit, që qarkullonte me automjet i armatosur. Në cilësinë e provës materiale u sekuestrua arma e zjarrit pistoletë, me krëhër e municion luftarak, që 43-vjeçari posedonte. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale