Aktualitet
Loja e pistë e DREJTESISE me inceneratorët
Disa muaj më parë, një program i vetëquajtur investigativ bëri një dokumentar, ku u tregonte shqiptarëve se sa të mirë ishin inceneratorët për mjedisin, se sa pak para fitonin pronarët e tyre dhe se sa nder të madh u kishin bërë ata qytetarëve shqiptarë. Nuk e di nëse emisioni u nderua me çmim nga këta ndërkombëtarët që vegjetojnë nëpër Shqipëri, por nuk do të ishte çudi. Fundja puseta e qelbit këtu është aq e thellë sa që i ka infektuar të gjithë.
I gjithë emisioni ishte praktikisht një bashkëpunim i mirëfilltë në krim. Me fakte të shtrembëruara, dokumenta të manipuluar dhe llogari financiare të stisura. Arsyeja se pse u zbulua së fundmi.
Prej disa ditësh portali CNA është duke publikuar dokumenta autentikë që tregojnë se si inceneratorët kanë korruptuar në masë media dhe gazetarë. Parimisht, në një ekonomi tregu, bizneset janë të lira të bëjnë reklama apo dhe të dhurojnë para ku të duan. Por në këtë rast ka një specifikë. Paratë me të cilat inceneratorët kanë paguar “Estref Dylekëshat” e mediave tashmë janë provuar si para korrupsioni, që u janë vjedhur qytetarëve.
Në doktrinën juridike kur faktohet një vjedhje, qëllimi kryesor i ndërhyrjes së organeve ligjzbatuese është ai i ndalimit të vjedhjes dhe rekuperimit të parave nga hajdutët për t’ia kthyer atij që i janë vjedhur. Në këtë rast, qytetarëve. Pastaj, në bazë të hetimeve, nxirren dhe përgjegjësitë përkatëse penale. Por në këtë rast SPAK nuk po bën detyrën, që i ngarkon ligji. Në vend të saj është duke bërë një farsë të madhe. Tashmë provat për këtë janë të pakontestueshme.
Kur lajmëroi masat bllokuese ndaj inceneratorëve, SPAK bëri një hile djallëzore, që në atë kohë nuk i vuri askush rëndësi. Për djegësin e Elbasanit, i cili kishte mbaruar punë dhe kishte marrë të gjitha pagesat nga buxheti i shtetit në vlerën 22 milionë euro, SPAK vendosi të sekuestrojë kompaninë që zotëron koncesionin, pra Albtek Energy. Por në rastin e Fierit, ku pagesat nuk kanë mbaruar dhe buxheti vazhdon të paguajë edhe tani, SPAK nuk bllokoi llogaritë e kompanisë që ka koncesionin Integrated Waste Treatment Fier, por bllokoi mëmën e saj, Integrated Technology Services. Ndërkohë që tek inceneratori i Tiranës nuk u fut fare. Kjo nuk ishte e rastësishme.
Bllokimi i llogarive të mëmës nuk e pengon aspak bijën. Sipas ligjit, personat juridikë, kanë identitete të ndryshme dhe të pavarur nga njëri tjetri. Si rezultat, ajo që ndodh tani është një fëlliqësirë e paparë dhe e padëgjuar në asnjë vend të botës.
SPAK mban të bllokuara llogaritë e kompanisë mëmë Integrated Technology Services, të cilat janë bosh dhe pa asnjë funksion, ndërkohë që buxheti vazhdon i paguan para bijës, Integrated Waste Treatment Fier. Kjo e fundit i merr paratë, që vidhen nga qytetarët dhe i çon në llogari të fshehta ose vazhdon të bëjë pagesa lirshëm për të korruptuar zyrtarë, media dhe gazetarë. Me pak fjalë, vjedhja vazhdon nën hundën e prokurorëve të SPAK.
Nëse SPAK nuk vë sa më parë nën sekuestro llogaritë e kompanive koncesionare, llogaritë individuale të pronarëve të tyre si dhe të gjithë zinxhirin e llogarivë të përshira në transaksione me inceneratorët, me ligj ata quhen bashkëpuntorë në vjedhje. Këtë e thotë ligj. Çdo person që dyshohet për një krim të tillë, i sekuestrohet për efekt hetimi çdo instrument që mund të pengojë hetimin apo të thellojë pasojat e krimit. Në këtë rast qeveria paguan lekët vetëm për administrimin e përkohëshëm të kompanive dhe çdo pagesë tjetër ngrin.
Pra qëllimi primar është që të ndalet vjedhja dhe qytetarëve t’u kthehen paratë e vjedhura, përfshirë ato që kanë përfunduar në kontot e mediave apo lehësve publikë. Më pas hetimi duhet të nxjerrë përgjegjësitë penale. Për sa kohë nuk ndodh kjo, e gjitha mbetet një farsë e madhe. Një lojë e pistë me drejtësi të telekomanduar, shantazhuar ose korruptuar. Kjo pak rëndësi ka.
Klodian Tomorri / MCN TV
Aktualitet
Axhami: Filozofia Zogiste në kohë moderne, nën moton “Atdheu mbi të gjitha”
Aktualitet
Vdekja e mistershme e të moshuarve në Dropull, lirohen personat e shoqëruar në polici
Ditën e sotme, u përcollën në banesën e fundit, dy të moshuarit që u gjetën të vdekur dhe me shenja dhune në banesën e tyre. Të afërmit e ardhur nga Greqia dhe bashkëfshatarët në Bodrisht të Dropullit i dhanë lamtumirën e fundit Kosta Ilia, 84 vjeç dhe Kleoniqi Ilia, 88 vjeçe.
Lidhur me ngjarjen e rëndë, e cila vijon ende e pazbardhur, policia ka shoqëruar mbi 10 persona. Ndërkohë pasi kanë dhënë deklarimet e tyre, personat e shoqëruar janë lënë të lirë. Disa pista hetimi janë ngritur për vdekjen e tyre, ku deri tani, nga policia dhe prokuroria është lënë në hije pista e një grabitje të mundshme. Kjo pasi edhe pensioni që i moshuari kishte marrë pak ditë më parë në Greqi iu gjet në portofol. Gjithashtu është hedhur poshtë dhe versioni se çifti mund të ketë vrarë njëri- tjetrin.
Kryefamiljari i cili kishte marrë një plagë në kokë kishte ndërruar jetë në oborrin e shtëpisë ndërsa pak metra larg tij, në brendësi të banesës u gjet e vdekur edhe bashkëshortja gjithashtu me shenja dhune në trup. Sipas policisë të moshuarit u goditën me mjete të forta rrethanore por burime thanë se në vendngjarje nuk është gjetur asnjë mjet i tillë. Për zbardhjen e ngjarjes së rëndë, grupi hetimor është rikthyer sërish në banesën e të moshuarve. Ekspertët kriminalist janë në pritje të ekzaminimeve të disa provave materiale të marra në brendësi të banesës së çiftit të viktimave.
Aktualitet
E pazakontë/ Mjeti përplas biçikletën, motorin, makinën, këmbësorin dhe përfundon në lavazh
Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.
Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.
Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.
Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.
Në vendin e ngjarjes kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.
Aktualitet
Ndalimi i tregtisë me Izraelin/ Erdogan: 9.5 mld dollarë më pak, për ne nuk ndryshojnë gjë
Presidenti turk Rexhep Tajip Erdogan ka reaguar pas vendimit të qeverisë së Turqisë për të ndaluar tregtinë me Izraelin. Ai tha se tashmë është koha për të vepruar dhe se durimi kishte përfunduar.
Sipas Erdogan opozita në Turqi shfrytëzoi faktin që qeveria nuk ndërmori masa kundër Izraelit dhe e përdori diçka të tillë për zgjedhjet në vend.
“Zhvillimet e fundit në operacionet ushtarake të Izraelit në Gaza nuk janë të pranueshme. Kjo është arsyeja pse ne besojmë se ishte e nevojshme të ndërmerreshin këtë hap. Ne prisnim të shihnim qetësimin e situatës përpara se të merrnim këto masa, por opozita e shfrytëzoi këtë për të na sulmuar Pasi të kenë përfunduar zgjedhjet, ne kalojmë te veprimet dhe faktet”, tha Erdogan.
Ndalimi i importeve dhe eksporteve do të vazhdojë derisa të ketë një armëpushim dhe të garantohet aksesi i popullatës në ndihma humanitare.
“Ndërmjet 40 dhe 45 mijë civilë të pafajshëm u vranë me bashkëpunimin e Perëndimit dhe në veçanti të Amerikës. Tani durimi ka mbaruar dhe ne kemi marrë këtë masë. Tregtia me Izraelin ishte 9.5 miliardë dollarë, për ne nuk ndryshon asgjë hiqni dorë, dera është e mbyllur”, përsëriti Erdogan.
Aktualitet
Vrasja e të moshuarve në Dropull, shoqërohen 9 banorë në Komisariat, çfarë gjeti policia
9 banorë të fshatit Bodrishtë dhe një bari shtegëtar të imëtash janë shoqëruar nga policia e Gjirokastrës, nën cilësinë e personave që mund të kenë dijeni për krimin ndaj dy të moshuarve Kosta dhe Kleoniqi Ilia bashkëshortë mes tyre.
Deri tani të shoqëruarit janë banorë që jetonin në afërsi të banesës së çiftit, persona me të cilët mund të kenë pasur debate për kufijtë e pronës si dhe bariu që nuk është banor i fshatit, por që mendohet se mund të ketë qenë në rrugën para banesës në momentin e krimit e që dyshohet se ka dijeni për të.
Policia gjithashtu ka gjetur një levë hekuri në pjesë e pasme të banesës objekt që është marrë në konsideratë në cilësinë e provës pasi dyshohet se të moshuarit kanë marrë goditje nga i njëjti objekt, burri në pjesën anësore të kokës dhe gruaja në pjesën e shpinës. Goditjet sipas ekspertëve kanë qenë vdekjeprurrëse sepse janë shkaktuar nga një mjet i fortë.
Hetuesit janë duke pritur analizat e ADN-së për të hedhur më shumë dritë mbi ngjarjen dhe identifikimin e autorit të këtij krimi.
-
Kosova16 hours ago
Serbia merr shansin nga KiE, tani ka shumë më tepër pasiguri për Kosovën
-
Bota5 hours ago
Shoferin e zuri gjumi në timon/ Raportohet për 2 të vdekur dhe 34 pasagjerë të lënduar
-
Pinknews2 hours ago
Çmenduri/ Romeo dhe Erjola të lidhur bashkë? Graciano plas skandalin
-
Bota2 hours ago
Çnjerëzore/19-vjeçarja lind foshnjen në tualetin e konviktit dhe e hedh në kosh
-
Pinknews2 hours ago
TRONDITET rrjeti/ Juli shokon Romeon: Kam bërë ALEANCË me Heidin
-
Pinknews7 hours ago
“Tradhtare”/ Egla shpërthen ndaj akuzave të Romeos: Do më puthësh prapë duart
-
Pinknews6 hours ago
Tension mes Eglës dhe Rozës/ Agravon gati në përplasje fizike: Mos prek me dorë moj vajzë
-
Horoskopi16 hours ago
Ka rrezik qe te përballeni me zhgënjime te mëdha