Aktualitet

Probleme me frymëmarrjen nga maska? Zbuloni mënyrën si të forconi mushkëritë tuaja

Përdorimi i maskave është bërë një pjesë integrale e jetës sonë që kur pandemia pushtoi botën. Mbajtja e maskës është bërë një normale e re për ne ku nuk mund të dalim nga shtëpia pa të sepse është kthyer në një kërkesë ligjore. Fatkeqësisht, maskat mund ta bëjnë të vështirë frymëmarrjen dhe të mos ndiheni rehat.

Si ndikojnë maskat në frymëmarrjen tuaj?

Mushkëritë tona janë përgjegjëse për të sjellë oksigjen në sistemin tonë dhe për të marrë dioksid karboni. Kjo metodë quhet frymëmarrje. Vendosja e një maske të ngushtë ose mbajtja e saj për periudha të gjata mund të bllokojë dioksidin e karbonit, i cili mund të jetë i rrezikshëm për shëndetin tuaj. Forcimi i mushkërive është një nga mënyrat më të mira për të zhvilluar tolerancën ndaj CO2.

Si mund t’i forconi mushkëritë?

Frymëmarrja diafragmatike

Frymëmarrja diafragmatike ose frymëmarrja në bark mund t’ju ??ndihmojë të forconi muskujt e diafragmës, gjë që, nga ana tjetër, ndihmon mushkëritë të funksionojnë në mënyrë më efikase. Angazhon diafragmën dhe ndihmon mushkëritë të mbushen me ajër duke lëvizur poshtë dhe më pas të shtyjë ajrin nga mushkëritë ndërsa lëviz përsëri lart.

Ushtrimi

Kur ushtroni, trupi juaj bëhet më efikas në marrjen e oksigjenit në gjak dhe transportimin e tij në muskujt që punojnë. Kur ushtroni rregullisht, muskujt tuaj do të kërkojnë më pak sasi oksigjeni dhe dioksid karboni, gjë që do të ndihmojë në forcimin e mushkërive. Mund të ndihmojë gjithashtu në rritjen e forcës dhe funksionit të muskujve tuaj.

Qëndroni të hidratuar

Është thelbësore të pini ujë të mjaftueshëm pasi dehidrimi mund ta bëjë mukusin të trashet dhe të ngjitet. Kjo mund të ngadalësojë frymëmarrjen dhe t’ju bëjë të prekshëm nga sëmundjet dhe alergjitë. Pra, pini ujë gjatë gjithë ditës për të forcuar mushkëritë tuaja dhe për të mbajtur nën kontroll shëndetin e përgjithshëm.

Përmirësoni sjelljen

A e dini se sjellja e keqe mund të ndikojë në shëndetin tuaj të mushkërive? Disa studime kanë treguar se sjellja e dobët zvogëlon kapacitetin e mushkërive dhe rrjedhën e frymëmarrjes, të cilat mund të çojnë në sëmundje të frymëmarrjes. Uluni dhe qëndroni drejt pa u përkulur mbrapa dhe mbajeni gjoksin ngritur.

Konsumoni antioksidantë

Frutat dhe perimet që përmbajnë antioksidantë mund të mbrojnë mushkëritë nga dëmtimi oksidativ duke mbështetur hidratimin normal të sipërfaqeve të rrugëve të frymëmarrjes, sipas një studimi të botuar në Maedica – një Gazetë e Mjekësisë Klinike. Manaferrat, frutat, arrat, çokollata, vera e kuqe, çaji jeshil, domatet, vitamina C dhe ushqimet e pasura me E janë disa nga burimet më të mira të antioksidantëve që mund të përfshini në dietën tuaj.

Shmang pirjen e duhanit

Ju ndoshta tashmë e dini që pirja e duhanit mund të rrisë rrezikun e sëmundjeve të mushkërive, si sëmundja pulmonare obstruktive kronike (COPD). Kur pini duhan, thithni një mijë kimikate, përfshirë nikotinën, dioksidin e karbonit dhe katranin, të cilat mund të dëmtojnë mushkëritë tuaja. Pavarësisht nga sa vjeç jeni, lënia e duhanit mund të ndihmojë në forcimin e mushkërive.

Aktualitet

SPAK kontroll në shtëpinë e Olti Currit (i njohur për lidhjet me çiftin Meta-Kryemadhi)

Agjentët e Byrosë Kombëtare të Hetimeve me urdhër të Spak-ut, kanë mësyrë për një kontroll të befasishëm në shtëpinë e blogerit Olti Curri, në lagjen “Kodra e Diellit”.

Kjo bëhet me dije nga gazetari Bledi Mane.

“Kjo banesë ekskluzive dikur në pronësi të vjehrrës së Ilir Metës, ka pak kohë që ka kaluar në emrin e Olti Currit.

Agjentët kanë sekuestruar një kompjuter, një telefon dhe disa sende të tjera personale.

Olti Curri pretendon se këtë shtëpi që kushton 320 mijë euro e ka blerë me kursimet e parave që ka fituar nga shkruajtja e teksteve të këngëve nëpër festivale të ndryshme.

Informohemi se Curri është një nga 10 miqtë e afërt të Monika Kryemadhit, të cilët Prokuroria speciale i ka vënë nën përgjim e nën hetim”, shkruan ai.

TEMA

Aktualitet

Gazetari vë në siklet Blushin: I the Berishës tradhtar kur i shiti detin Greqisë, tani punon për të. Si u shite?

Gazetari Arbër Hitaj është përplasur mbrëmë në një debat televiziv me Sekretarin e Përgjithshëm të PL së Ilir Metës, Tedi Blushi.

Hitaj i kujtoi Blushit faktin se nga njëra anë pretendon që ka denoncuar Paktin e Detit mes Greqisë dhe Shqipërisë në “Gazetën Shqiptare” disa vite më pare, madje që kishte shkruajtur se “Sali Berisha është tradhtar i kombit”, ndërsa tani po punon për tradhëtarin Berisha, duke i kënduar këngë poshtë dritares.

“Tedi, ti ke zbuluar Paktin e Detit, që Sali Berisha, atëherë kryeministër, bëri me Greqinë, një skandal i madh për kohën. E ke publikuar te Gazeta Shqiptare.

Madje, ka një lajm se informacionin ta ka dhënë Partia Socialiste, se ke qenë shumë afer me PS dhe të furnizonin me lajme.

Tani po punon për tradhëtarin Berisha. Si i bie, je shitur ti te Berisha? Je bërë tradhëtar, se del këndon dhe këngë patriotike?!”, u shpreh Hitaj.

Aktualitet

Artan Hoxha tregon prapaskenat: Çfarë ndodh brenda dyerve të SPAK dhe kur mbyllet dosja ‘Meta’

Gazetari Artan Hoxha komentoi në studion e “Ekspres” çështjet për të cilat hetohet Kryetari i PL-së Ilir Meta dhe Monika Kryemadhi. Gazetari u shpreh se kjo çështje është shumë më e hershme, është një çështje që e ka pasur vetë z. Dumani kur ka qenë prokurorë i thjeshtë.

Çështja CEZ-DIA është një çështje ku hetimet kanë ecur shumë , është dosja numër 55. Pavarësisht se vëmendja është fokusuar te Meta çështja është shumë komplekse dhe janë fokusuar shumë persona të tjerë aty.

“Ajo dosje varet deri në çfarë niveli e zgjeron dhe e çon hetimin. Aty ka qenë kryeministër z. Berisha dhe z. Meta ishte ministër. Më pas ka ardhur në qeveri z. Rama dhe ministër z. Gjiknuri. Ishte OSHEE. U privatizua dhe u CEZ ku për shkak të borxheve hyri një kompani DIA që të bënte të mundur mbledhjen e këtij borxhi.”

Meta e kishte si strategji të tijën për të pasur vëmendje në rrjetet sociale nisi të godiste SPAK, duke thënë SPAKU-torollaku, duke kërkuar një vëmendje maksimale për të marr.

Kreun e SPAK-ut, tha Hoxha, e kanë goditur dhe të tjerët por z. Meta është i vetmi person që i ka pasur të gjitha funksionet e shtetit shqiptar dhe i rritur në politikë që 22 vjeç, që e njeh shumë mirë funksionimin dhe hierarkinë e shtetit.

“Ilir Meta gjithmonë ka njerëz nga pas. Ilir Meta pa skraparllinjtë është i mbaruar. Meta nuk ka një bosht ideologjik por funksionon me grupime njerëzish. Në mëngjes Ilir Metë mund ta gjesh në Hasa me disa njerëz me influencë në zonë dhe në darkë mund ta gjesh në Konispol duke bërë një tjetër takim atje,” u shpreh Hoxha.

Aktualitet

1 maji, Dita Ndërkombëtare e Punëtorëve, si lindi dhe historiku i kësaj dite

1 Maji është dita ndërkombëtare e punëtorëve. Pothuajse në të gjithë botën kjo ditë synon të kujtojë angazhimin e lëvizjeve sindikale për të kërkuar dhe siguruar të drejtat, liritë dhe kushtet e punës. Kjo ditë, ju referohet protestave të punëtorëve, për orar të punës 8 orë, për paga mesatare të garantuara, për pajisje mbrojtëse në vendin e punës.

Historia e 1 majit

1 Maji lidhet ngushtë me protestat e përgjakshme të dhjetëra mijëra punëtorëve të fabrikave të Çikagos në Amerikë, me 1 maj 1866, ku punëtorët kërkonin të drejtat e tyre në punë. Manifestimi masiv dhe madhështor u bë edhe një vit më vonë, në të njëjtin qytet më 1 maj 1867.

Në vitin 1886, një demonstratë e madhe ndodhi në Amerikë, ku punëtorët kërkonin tetë orë punë. Megjithatë, shpejt demonstrata doli jashtë kontrollit dhe në Çikago dhe shumë njerëz u lënduan. Ky incident u bë i njohur si Çështja Haymarket dhe shënoi fillimin e Ditës Ndërkombëtare të Punës.

Mbi 200 000 punëtorë, të mbledhur në sheshin qendror të Çikagos, do të nisnin grevat për të kërkuar të drejtat e tyre. Ndërkohë që gazetat do t’i vlerësonin ato si “absurde”. Vdekja e 7 policëve gjatë protestave, të nisura prej shumë ditësh, ishte shkaku i reagimit të Policisë së Çikagos ndaj lëvizjes së punëtorëve. Si pasojë e një bombe të hedhur nga forcat policore u vranë 8 udhëheqësit kryesorë të federatës së punëtorëve, duke e kthyer kështu majin në muajin e përkujtimit të përpjekjeve të punëtorëve për të fituar të drejtat e tyre.

Në vitin 1889, shumë parti socialiste në Evropë u mblodhën dhe vendosën të festojnë 1 majin si Ditën Ndërkombëtare të Punës.

Rëndësia e Ditës Ndërkombëtare të Punëtorëve

Kjo ditë na ndihmon të njohim kontributin e punëtorëve dhe klasës punëtore në zhvillimin e shoqërisë dhe të vendit. 1 maji gjithashtu i nxit punëtorët të mësojnë për të drejtat e tyre dhe të ‘luftojnë’ për kushte pune më të mira.

Aktualitet

Tensionohet situata para bashkisë së Tiranës, protestuesit heqin gardhin metalik dhe përplasen me policinë

Situata para bashkisë së Tiranës është tensionuar pasi protestuesit kanë hequr gardhin metalik, duke u përplasur fizikisht edhe me policinë.

Me thirrjet “poshtë diktatura”, protestuesit janë përleshur me forcat e rendit, të cilët kanë rrethuar godinën e bashkisë.

Për të shpërndarë protestuesit eshte hedhur edhe gaz lotsjellës.

Më herët këshilltarët e opozitës në bashkinë e Tiranës tentuan të çajnë kordonin e policisë me qëllim për të hyrë brenda ambienteve të bashkisë, por nuk janë lejuar.