Politike

Rindertimi – Rama në Petrelë,Rrashbull dhe Kamez

Në Petrelë, kantieri i rindërtimit të shkollës nëntëvjeçare ëdhtë një nga 14 shkollat e reja të Tiranës që po ngrihen më të mëdha, më të sigurta e më të bukura.

“Një nga shkollat me pamjen më të bukur ndoshta në gjithë republikën”, u shpreh Kryetari i Bashkisë së Tiranës, Erion Veliaj, gjatë inspektimit që Kryeministri Edi Rama bëri sot në këtë kantier.

Shkolla ka një konceptim dhe planimetri funksionale dhe moderne, e ndarë në tre korpuse; klasat e shkollës 9-vjeçare, ambientet e parashkollorit dhe në një godinë më vete që përbën dbe korpusin e tretë do të vendosen laboratorët dhe palestra. Edhe kjo shkollë po ndërtiohet sipas vizionit të shkollës si qendër komunitare. Ndēr komponentet më fantastikë të infrastrukturës shoqëruese janë edhe terrenet e jashtme sportive me pesë fusha të dedikuara sportit.

Në Tiranë do të ngrihen gjithsej 22 shkolla dhe 9 të tjera nga donatorët. “Janë në proces 14 shkolla, nga të cilat 11 me financimin e qeverisë. Tre të tjerat janë me fondin e Katarit, që kanë një procedurë të tyre prokurimi, po edhe ato janë në fazë finale”, – tha Kryebashkiaku Veliaj, ndërsa 11 shkolla nga bashkia me partneritetin publik-privat.

Ndërkohë procesi i rindërtimit, përfshirë edhe shkollat, po vazhdon edhe në zonat e tjera të Tiranës. Kryebashkiaku informoi se “fillojmë me shkollat në Kombinat. Për lagjet e reja të Vaqarrit dhe Pezës kaluan VKM-të në qeveri. Në Kombinat do të hapim eshe një zyrë komunikimi me qytetarët për të sqaruar si do të funksionojë lagjia e re.”

Investimet e kryera në infrastrukturë si kudo në Tiranë, edhe në Petrelë kanë rritur vlerën e pasurive të patundshme të qytetarëve. Rruga e re, fushat sportive dhe hipodromi, nënvizoi kryebashkiaku Veliaj, kanë rritur vlerën e tokës në Petrelë nga 1 mijë lekë (m2) para këtyre investimeve, në mesatarisht 7-8 mijë lekë sot.

Shkolla “Vëllezërit Haradinaj” në Rrashbull të Durrësit është ngritur nga themelet pas dëmtimit rrënues të tërmet një vit më parë. Sot ajo është më e fortë, më e mirë dhe më e bukur se ajo shkolla e mëparshme. Në Durrës janë më shumë se 30 shkolla që po ndërtohen me dhe standarde shumë më të larta se godina që u rrënuan 26 nëntorin e kaluar.

530 nxënësit e shkollës “Vëllezërit Haradinaj”, sot arsimohen në një shkollë me kushte të njëjta me nxënësit e çdo vendi europian, u shpreh Kryeministri Rama teksa pa ambientet e kësaj shkolle. Ndërkohë “sfida juaj është ta mirëmbani”, iu drejtua nxënësve e mësuesve.

Shkolla është e pajisur me bibliotekë, laboratorë dhe ambiente sportive konform çdo standardi europian. “E gjithë shkolla ka sistemin e ngrohjes me kaldajë, ndërsa pajisjet janë të gjitha moderne. Në këtë objekt kemi 23 klasa dhe 4 laboratorë”, – tha kryebashkiakja e Durrësit Emiriana Sako.

Procesi i rindërtimit vijon me ritme të larta për të përfunduar jo vetëm shtëpitë individuale, por edhe objektet arsimore në të gjithë vendin. Ministri i Shtetit për Rindërtimin Arben Ahemtaj tha se shkolla “Vëllezërit Haradinaj” është “një nga 155 shkollat që do ndërtojmë me donatorët dhe nga burimet e brendshme. Të tilla dorëzojmë brenda 31 dhjetorit mbi 30 shkolla dhe deri në fund të janarit do t’i kemi dorëzuar të gjitha shkollat jashtë Bashkisë së Tiranës”.

Kopshti “Niko Hoxha”, pjesë e lagjes së re që po rindërtohet në Kamëz, pritet të përfundojë së shpejti. 200 vogëlushë do të gjejnë aty strehën e dijes dhe argëtimit, në kushtet më optimale.

Për të parë kompleksin e ri arsimor, një infrastrukturë shembull edhe për objekte të tjera me këtë funksion, ishte në Kamëz, Kryeministri Edi Rama.

Kopshti “Niko Hoxha” shtrihet në një sipërfaqe prej 2000 metër katrorë, me 8 klasa dhe mirëpret 200 fëmijë. Në ambientet e jashtme janë këndet sportive dhe këndet e lojrave. “Fëmijët do të kenë një kopësht pesë herë më të madh dhe me të gjitha standardet. Për herë të parë do të jetë një kopësht me ushqim, ku çdo fëmijë do të ketë tavolinën e ngrënies, krevatin e fjetjes, tavolinën ku do të mësojë, si dhe këndin ku do të lozë”, – u shpreh Kryetari i Bashkisë së Kamzës, Rakip Suli.

Për nga funksionet dhe kapaciteti, kopshti “Niko Hoxha” është i njëjtë me një shkollë. “Kopshti emrin ka të tillë se nga funksionet është një shkollë e vërtetë, që nga kapacitetet, nga psikologu, infermierija tek dhomat e fjetjes, dhomat e ngrënies”, – tha drejtori i Fondit Shqiptar të Zhvillimit, Dritan Agolli.

Fare pranë kopshtit të ri, puna do të nisë së shpejti edhe për kompleksin prej 270 apartamentesh për familjet e prekura nga tërmeti. Së bashku me shtëpitë e reja, kopshtin, shkollën dhe qendrën shëndetsore, banorët do të jetojnë të përditshmen e tyre në kushte dhe standarde shumë të mira se më parë. “Po flasim me drejtorin e Fondit që të bëjmë një kombinim edhe me shtëpitë individuale. Infrastruktura e re do të përfshijë pallatet, do të përfshijë kopshtin , shkollën dhe ambientte publike komunitare,” – u shpreh ministri për Rindërtimin Arben Ahmetaj.

Politike

A ka Meta informatorë në SPAK? Myslim Murrizi zbulon emrin

Ish- deputeti i PD, Myslym Murrizi foli në lidhje me zhvillimet politike të vendit dhe kryesisht për atë që po ndodh me Partinë e Lirisë dhe tashmë presidentin e saj, Ilir Meta.

Murrizi e cilësoi kreun e PL si një enverist që është në betejë me Ramën për të marrë ithtarët komunistë. Por kur pyetet se si një enverist nuk “ngurojnë të veshë bluzën “Free Berisha” dhe të mbështesë liderin e opozitës”, ai thotë se “hipokrizia është gjellë që hahet me orekse. Këta e hanë me garuzhde, për një karrige të qelbët të shtetit dhe pushtetit”.

Ish- deputeti nuk e beson “luftën ndaj depozitimit” që Meta ka shpallur në partinë e tij.

“Nuk është e vërtetë, njerëz që ndajnë 8 orë krevatin së bashku, prindër të 3 fëmijëve, të jenë kaq shumë të mosmarrur vesh për hatër të parimeve për këtë mender demokraci që jetojnë shqiptarët 34 vite. Ky është një teatër, jo të gjithë mund të na fyejnë injorancën me këto veprime. Nuk e besoj faktin që Monika është tërhequr.

As shqiptarët nuk e besojnë. Nuk do tërhiqet sepse politika është ves. (…) Atë që ndodhi që ndodhi do të quaja një taktikë elektorale politike brenda subjektit për të ngritur adrenalinën e militantëve, për të thënë që këtu po bëhet një gjë e madhe”.

Përsa i përket marrëdhënies së Ilir Metës me SPAK-un, Murrizi tha se nuk është çudi që ai të ketë informatorët e tij brenda këtij institucioni.

Në një institucion me 18 prokurorë dhe 17 agjentë të BKH, nuk është çudi që të marrësh informacion. Për shembull, keni dëgjuar ndonjëherë Metën ta zërë me gojë Arben Krajën.

Asnjëherë! E ka pas vartës. Kur ishte Kryeministër, e ka pas atje. Pasi iku nga nënkryetar i Kontrollit të Lartë të Shtetit nga Mustafa Kërçuku vajti shefi ia anti-korrupsionit dhe këshilltar e jurist i tij”, tha Murrizi.

Politike

Berisha nga ballkonit: Nga këtu lart shoh një horizont që s’e kemi parë 11 vite, dimri po ikën…

Sali Berisha gjatë fjalës së mbajtur në tubimin qytetar, një ditë para protestës tek bashkia e Tiranës, deklaroi se, shikon vetëm fitore.

“Këtu nga Rruga e Shpresës, nga ky ballkon, nga ky podium unë shoh një horizont që nuk e kemi parë 11 vite! Unë shoh fitore, fitore, fitore”, deklaroi kryedemokrati Sali Berisha.

Sali Berisha: Të dashur qytetarë dhe qytetare! Të nderuar qëndrestare dhe qëndrestarë. Heronj të vërtetë të shpresës dhe të ardhmes së Shqipërisë. Çdo muaj. Çdo javë. Çdo ditë dhe çdo orë ju zhvilloni një betejë epike. Një qëndresë të admirueshme. Të denjë për secilin qytetar që e quan veten shqiptar, që i thotë lirisë, liri dhe dinjitetit njerëzor, dinjitet.

Ju qëndruat në ditët më të zeza të demokracisë. Ju përhapët dritë në natën e saj. Ju qëndruat në ditët më të acarta për pluralizmin. Nën stuhitë më të egra ndaj narkoshteti të bandave dhe krimit kundër opozitës shqiptare. Ju qëndruat këtu përditë në ‘Rrugën e Shpresës’. Por të dashur miq, tani ne jemi në një stinë tjetër.

Dhe nuk e kam fjalën për përfundimin e stinës së dimrit. Po e kam fjalën për përfundimin e stinës 11-vjeçare të Rilindjes shkatërrimtare të kombit shqiptar dhe të Edi Ramës. Të dashur miq, pranvera e lirisë, pranvera e shpresës ka nisur në të katër anët e vendit. Flladi i tyre po freskon, po ushqen mendjet dhe zemrat e shqiptarëve. Këtu nga Rruga e Shpresës, nga ky ballkon, nga ky podium unë shoh një horizont që nuk e kemi parë 11 vite! Unë shoh fitore, fitore, fitore!

Politike

Fati i çiftit Meta-Kryemadhi është vendosur para një jave, ja çfarë u dekonspiruar

Analisti Arian Curi ka deklaruar se për kreun i Partisë së Lirisë, Ilir Meta dhe zonja Monika Kryemadhi është marr masa e sigurisë para një jave.

Sipas tij, ekzekutimi i kësaj masa sigurie nuk është ekzekutuar më parë sepse është dekonspiruar operacioni.

“Operacioni u shty sepse u dekonspirua. SPAK nuk ka dëshirë që të dekonspirohet operacioni por në mestë të javës së kaluar është marr masa e sigurisë për çiftin Meta-Kryemadhi , ku një prej të dyve është arrest shtëpie dhe një tjetër arrest me burg.

Në ditët në vazhdim do ta shikoni se cili është në njërin vend dhe cili në vendin tjetër. Thjesht pritet që të ekzekutohet vendimi”, deklaroi ai

Politike

Unë jam dirigjenti, shpërthen avokati Gjokutaj: Ja pse u nda Meta me Kryemadhin

Genc gjokutaj, avokati i Berishes, njeheresh nje nder anetaret e forumeve te Partise se Lirise te Ilir Metes ka folur dhe per mmarredheniet e ketij teb fundit me bashkeshorten Monika Kryemadhi.

Gjokutaj: Në Partinë e Lirisë ka ndodhur ajo që keni parë. Ky rast është bërë sebep për tu pranuar mendimi ndryshe në parti. PL-së i ishin dobësuar strukturat, ishte rithemelim i partisë. Në pozicionin e presidenti, z.Meta dekretoi zgjedhjet e pjesshme se propaganda thoshte Luli ka numrat. Po në emër të pluralizmit të opozitës reale, PL bashkëpunoi se vula që Basha e mban në ballë, u mbajt syrtareve të gjykatave me qëllim që PD të mos garonte në zgjedhje. Çifti Meta-Kryemadhi janë kontributor të Partisë së Lirisë. Fakti që Monika ka një qasje tjetër dhe kjo është thënë publikisht.

Dy mënyra ka njeriu, o të shfaqet ose të tregohet si barsoletë. Po të mos ishte gruaja e Ilir Metës nuk e bënim këtë diskutim ne. Ata e kanë filluar njësoj politikë. Pse mendon se duke luajtur Monika me Ilir Metën do rritet sensiviteti apo kujdesi i SPAK ndaj tyre? Ku është kjo lojë? Partia nuk ishte efiçente. Unë jam një nga instrumentistët që bën dirigjentin. Çarja mes Monikës dhe Kryemadhit…në rolin e ciceronit më lër ta shpjegoj. Kishte probleme me lënien e parlamentit./tch

Politike

Meta e sulmoi nga Konventa/ Basha qesh: Unë jam modeli i ri, ai kasta e vjetër

Kreu i PD-së së vulës, Lulzim Basha, tha ditën e sotme se qeshi me sulmet e presidentit të PL-së Ilir Meta, në Konventën e 27 Prillit.

Basha u shpreh fillimisht se nuk i ka parë fare sulmet, ndërsa pak më vonë la të kuptohet se i ka ndjekur deklaratat e Metës, teksa tha se së bashku me disa miq “qeshëm me performancën e mjerueshme”.

Më tej ai e cilësoi Metën si një kastë e vjetër, ndërsa veten si një model i ri.

Basha: “Sulmet e Metës? As nuk i pashë fare. Miqtë dhe unë që ishim në Itali, qeshëm me performancën e mjerueshme.

Nuk presim as nga ai dhe as nga zëdhënësit e të cilëve bën. Kjo kastë nuk e ka me Bashën por modelin që përfaqësojmë që është fillimi i një politike njerëzore me njerëzit dhe për njerëzit” tha ai.

“Ju bëj një thirrje pa dallim politik, të mbështesin amendamentet e propozuara nga PD të cilat bëjnë të mundur që SPAK-u, BKH dhe të gjitha institucionet e drejtësisë të kenë resurse të mjaftueshme dhe kuadrin ligjor të ngarkuar nga republika, aq më tepër tani që bota po tregon me gisht korrupsionin në Shqipëri”.