Sport

Uzuni bën “show”, shënon tre gola kundër…

Myrto Uzuni udhëheq Granadën në suksesin e tretë të kampionatit teksa mposhtën Villareal B me rezultatin 3-0. Të tre golat e sfidës u shënuan nga ana e sulmuesit të kombëtares i cili në fakt hapi shumë shpejt llogaritë e takimit. Që në minutën e parë, beratasi konkretizoi një asist të Jose Maria Callejon ndërsa edhe pas konfirmimit të VAR, goli u konsiderua i rregullt.

Pas dhjetë minutave lojë, sërish Uzuni që bëhet protagonist. Këtë herë ish-lojtari i Ferencvaros fiton një 11-metërsh pasi kalon portierin ndërsa e merr vetë përgjegjësinë e ekzekutimit dhe në fakt nuk gabon duke dërguar rezultatin në shifrat 2-0.

Po në pjesën e parë të lojës, Uzuni pati edhe një tjetër shans për të shënuar tripletën, teksa lëvizi mirë në zonë por nuk pati shënjestrën e duhur në fund.

Gjithsesi, në fraksionin e dytë, do të vinte edhe goli i tretë për lojtarin shqiptar që shënoi një tjetër penallti. Në fund, festa me të dashurën e tij që kishte ardhur për ta ndjekur nga shkallët e stadiumit.

Granada triumfoi me rezultatin e pastër 3-0 falë liderit Uzuni, teksa për sulmuesin ishte goli numër katër në tre ndeshje të Segunda Division. Me tre fitore në tre ndeshje, Granada mban vendin e parë të klasifikimit ndërsa synon të ngjitet menjëherë në elitë sezonin e ardhshëm.

Click to comment

Sport

Zyrtare, Chelsea nuk duron më, largon trajnerin Pochettino

Pochettino nuk është më trajner i Chelseat. Lajmi është bërë publik nga klubi londinez, nëpërmjet një postimi në rrjetet sociale. Chelsea, vihet kështu menjëherë në kërim të teknikut të ri, i cili do ndërtojë skuadrën për edicionin pasues.

“Në emër të të gjithëve në Chelsea, ne dëshirojmë të shprehim mirënjohjen tonë për Mauricio për shërbimin e tij këtë sezon. Ai do të jetë i mirëpritur të kthehet në Stamford Bridge në çdo kohë dhe ne i urojmë të gjitha më të mirat në karrierën e tij të ardhshme si trajner” – u shprehën Drejtorët sportiv Laurence Steëart dhe Paul Ëinstanley. Pochettino qëndroi 51 ndeshje në krye të pankinës së Chelsea.

Sport

Sylvinho merr pasaportë shqiptare, bëhet qytetar i Lushnjës së bashku me dy ndihmësit e tij

Trajneri i Kombëtares së Shqipërisë, Sylvinho Mendes është pajisur me pasaportë shqiptarë, se bashku me dy ndihmësit e tij, Zabaleta dhe Doriva.

Qytetit të Lushnjes do t’i shtohen tre qytetarë të rinj special, pasi tekniku ‘kuqezi’ dhe ndihmësit e tij janë betuar pikërisht në këtë bashki.

Trajneri do të jetë banor i lagjes “Çlirimi” të këtij qyteti.

I pranishëm në aktivitetin e betimit të tij është i pranishëm ministri i Brendshëm Taulant Balla dhe kryetarja e Bashkisë së Lushnjes, Eriselda Sefa.

Kujtojmë që në fund të vitit 2023, Presidenti Begaj shpalli dekretin për dhënien e pasaportës shqiptare për trajnerin Sylvinho.

Sport

Jo vetëm Mourinho, turqit duan edhe një kampion bote

Jose Mourinho mund të riniset nga Turqia. Në fillim u fol për Fenerbahcen, ndërkohë që ditët e fundit ka dalë në skenë Besiktasi si e ardhmja e teknikut nga Setubali

Bardhezinjtë nga Stambolli, pjesë e të cilëve janë edhe dy shqiptarët Ernest Muçi dhe Milot Rashica, ka objektiva të mëdha për të ardhmen. Duke nisur nga rikthimi te titulli kampion.

Pasi konfirmoi ofertën drejt Jose Mourinhos, të cilin drejtuesit e Besiktasit do e takojnë ditët e ardhshme në Itali, zv presidenti Huseyin Yucel zbuloi edhe dëshirën e radhës.

“Jemi në bisedime me Angel Di Marian. Sapo të përfundojë kampionati portugez do të takohemi. Ai na tha se është gati të dëgjojë propozimin tonë pasi ta ketë mbyllur me Benfikën”.

36-vjeçari argjentinas, i cili fitoi Kupën e Botës me kombëtaren albiceleste në Katar, dëshironte rikthimin në shtëpi te Rosario. Por kërcënimet nga disa trafikantë droge ndikuan që të tërhiqej.

Në skenë ka dalë edhe Inter Miami, me Leo Messin që po tenton ta bindë mikun e tij që t’i kalojnë vitet e fundit të karrierës në Florida.

Në lojë është edhe Besiktasi, aty ku Di Maria mund të tundohet për të punuar me Jose Mourinhon. Të cilin e ka patur trajner te Reali i Madridit./SuperSport

Sport

Mbappe pranë transferimit te Lille, francezi bëhet shok skuadre me Edon Zhegrovën

Një tjetër Mbappe mund të largohet nga Paris Saint-Germain. Pasi Kylian i dha lamtumirën parizienëve me destinacionin më të mundshëm që është Real Madrid, tashmë është vëllai i tij Ethan Mbappe që po mendon largimin.

Tashmë në moshën 17 vjeçare, vëllai i vogël i Kylian Mbappe ka gjetur shumë pak hapësira në ekipin e parë të PSG-së.

3 paraqitje në kampionat dhe 2 në kupë kanë bërë që Ethan të mendojë transferimin diku tjetër, duke marrë parasysh edhe largimin e vëllait të tij të madh.

Kontrata e tij me PSG-në përfundon në qershor të këtij viti dhe nuk ka negociata për zgjatje të bashkëpunimit.

Në krahun tjetër, Lille është skuadra më e interesuar për shërbimet e lojtarit.

Ekipi ku aktivizohet dhe shqiptari Edon Zhegrova po bën gjithçka për të bindur Ethan Mbappe që t’u bashkohet, duke e parë si një përforcim ideal për skuadrën.

Sport

Mourinho trajner i lojtarit shqiptar? Zëvendës-presidenti i klubit turk: Po negociojmë

Për këtë çështje ka folur zëvendës-presidenti i Besiktas, Hüseyin Yücel.

“Ne kontaktuam Jose Mourinhon një muaj më parë dhe ai e mirëpriti ofertën tonë. Tashmë kemi rregulluar detajet financiare dhe javën e ardhshme do të shkojmë në Itali për t’u takuar ballë për ballë. Nëse gjejmë marrëveshje me Mourinhon pastaj do ta këshillojmë që të përfshijë në staf Ricardo Quaresma”, deklaroi ai për Sporx.